Владата се премислува! Македонија заинтересирана за руската вакцина „Суптник V“
Првичните информации од Министерството за здравство беа дека набавката за вакцината против ковид-19 ќе се врши преку механизмот КОВАКС при Светската здравствена организација.
Амбасадата на Руската Федерација во Скопје за агенцијата „Спутник“ соопшти дека македонското државно раководство ја проучува можноста за купување на руската вакцина против корона.
Руските дипломати во втората половина на август го известиле министерот за здравство Венко Филипче за успешните резултати од тестирањето на вакцината „Спутник V“ во Русија. Тој бил запознат со можностите за организирање испорака на препаратот преку Рускиот фонд за директни инвестиции.
– Ова прашање беше тема на разговор со премиерот Зоран Заев и со министерот за здравство Венко Филипче. Македонската страна засега ги проучува достапните материјали за вакцината ‘Спутник V’. Се договорија за сите прашања што го интересираат Скопје директно да разговараат експертите на Министерството за здравство и Рускиот фонд за директни инвестиции – соопштија за агенцијата од Амбасадата.
Првичните информации од Министерството за здравство беа дека набавката за вакцината против ковид-19 ќе се врши преку механизмот КОВАКС при Светската здравствена организација.
– Надлежните советодавни тела на Министерството за здравство задолжени за вакцини и имунизација го следат процесот развој на сите вакцини. Во однос на руската вакцина, Министерството за здравство преку амбасадата на Руската федерација, после нивната понуда имаше дополнителни прашања и изрази интерес за фазата на развој во која се наоѓа вакцината, дали се поминати сите фази на клинички студии, дали и кога е планиран извоз и која би била цената“, информира Миинистерството за здравство.