Владата го послуша апелот на „Gulf oil“ за изедначување на акцизата на екстралесното со дизел горивото

Апелот на „Gulf oil“ за изедначување на акцизата на екстралесното масло со акцизата на дизел горивото конечно беше слушнат од страна на владата која ги направи потребните промени, реагира компанијата.

„Ова изедначување носи намалување и истиснување на употребата на екстралесното масло како погонско гориво, а со тоа придобивките се од огромно значење. Првично за намалување на загадувањето на воздухот, бидејќи екстралесното масло при согорување создава 100 пати поголемо загадување од дизел горивото.

Второ, државниот буџет ќе биде значително зголемен на сметка на оваа промена со што на владата на РСМ ќе ѝ се дадат дополнителни средства за справување со ковид-19 кризата во момент кога е најпотребен.

Трето, пазарот на нафта и нафтени деривати ќе биде регулиран и нема да постои злоупотреба и нелегални активности поврзани со екстралесното масло како досега, а позитивните ефекти од промената ќе влијаат врз целокупната економија“, велат од компанијата.

Изедначувањето на акцизата значи дека никој нема да има никаква корист ниту мотивација да продолжи да користи Екстралесно како погонско гориво, а оваа промена дополнително ќе ја зголеми стабилноста на пазарот и ќе го регулира текот на нафтата и нафтените деривати, но придобивките ќе ги почувствуваат и останатите учесници на пазарот.