ВИДЕОЛОТАРИЈА КАСИНОС АВСТРИЈА СПОНЗОР НА КОШАРКАРСКИ КЛУБ СТРУМИЦА Компанијата дава поддршка на развојот на младите спортисти

Видеолотарија Касинос Австрија стана спонзор на кошаркарскиот клуб Струмица. Во соопштение се порачува дека новата спортска поддршка е дел од „визијата за модерна и општествено одговорна компанија“.

„Видеолотарија Касинос Австрија во рамки на својата визија-верен пријател на спортот, обезбеди спонзорство за уште еден спортски клуб. Овојпат тоа е кошаркарскиот клуб Струмица. Со оваа поддршка ние придонесуваме младите кошаркари на овој клуб, и јуниори и сениори да тренираат и да ги развиваат своите спортски вештини. Средствата од ова спонзорство ќе им овозможат, да ги реализираат зацртаните цели од клубот, успешно да се претстават на сите натпреварувањата кои ги очекуваат“, велат од Видеолотарија Касинос Австрија.

Претседателот на клубот, Илија Христов, кој воедно е и тренер, изрази огромна благодарност до Видеолотарија Касинос Австрија за, како што вели, поддршката и препознавањето на спортскиот дух кај младите луѓе.

Тој додаде дека кошаркарите се пресреќни и силно мотивирани за успех во сезоната која ќе следи.

Видеолотарија Касинос Австрија соопшти и дека „како модерна и општествено одговорно компанија, ќе остане посветена на поддршката на спортот и спортските настани, кои се од исклучително значење на правилно развивање на младите луѓе“.

„Под слоганот „Играј со најдобрите“, помагаме млади кадри од спортот, образованието, културата, медицина. Во текот на изминатите 10 години за спонзорства и донации издвоивме буџет од над 205 милиони денари“, велат од компанијата.