ВИДЕОЛОТАРИЈА Е СПОНЗОР НА ЗДРУЖЕНИЕ ЗА ТРЧАЊЕ, ПЛИВАЊЕ, ВЕЛОСИПЕДИЗАМ, ДУАТЛОН И ТРИАТЛОН Поддршка на спортскиот дух

Видеолотарија Касинос Австрија е официјален платинум спонзор на Здружението за трчање, пливање, велосипедизам, дуатлон и триатлон 091РАНКРУ Скопје. Преку оваа соработка, Видеолотарија ја продолжува својата мисија за поддршка на здравиот начин на живот, спортскиот дух и заедницата.

Здружението 091РАНКРУ Скопје е познато по својата посветеност во промоцијата на активниот живот и инклузијата преку различни спортски дисциплини. Со поддршката од Видеолотарија, ќе се овозможи учество на членови од здружението на четвртото издание на Еуротрип во периодот од 04.06.2025 до 09.06.2025 година. Делница за трчање оваа година е од Инсбрук (Австрија) до Љубљана (Словенија) во должина од 450 км, која треба да се истрча за помалку од 48 часа.

– Ова е трка што ја трчаме заедно со сите. Огромна благодарност до Видеолотарија Касинос Австрија затоа што нè поддржа и верува во нашиот потенцијал – изјави претседателот на здружението, Ненад Божовиќ.

– Горди сме што сме дел од една ваква приказна која ги поврзува луѓето преку спорт и заедништво. Нашата поддршка за Здружението за трчање, пливање, велосипедизам, дуатлон и триатлон 091РАНКРУ Скопје e уште еден чекор кон изградба на поздраво и посреќно општество – велат од Видеолотарија.

Од компанијата најавуваат дека како модерна и општествено одговорно компанија, ќе останат посветени на поддршката на спортот и спортските настани, кои се од исклучително значење за правилно развивање на младите луѓе.

– Под слоганот „Играј со најдобрите“, помагаме млади кадри од спортот, образованието, културата, медицина. Во текот на изминатите 10 години за спонзорства и донации издвоивме буџет од над 205 милиони денари – додаваат од Касинос Австрија.