(ВИДЕО) ПЕКИНГ СE „ИЗГУБИ“ ВО ПЕСОЧНА БУРА Воздухот е полн со ПМ10 честички
Индексот на квалитетот на воздухот во Пекинг денеска изутрина сè уште беше околу 900, со екстремно високи концентрации на честички ПМ10 и облак од прашина над главниот град кој подоцна го растераа ветровите.
Песочна бура го зафати главниот град на Кина, Пекинг и другите провинции на северот на земјата. Погодени се околу 409 милиони луѓе, соопшти кинеското Министерство за шумарство, а пренесува весникот „Глобал Тајмс“.
Индексот на квалитетот на воздухот во Пекинг ја премина горната граница и синоќа достигна ниво од 1.300, при што нивото од 150 веќе се смета за „нездраво“.
North China is experiencing a sand storm, fairly frequent in spring when winds are predominantly from the northwest and the ground is still very dry from the arid winter. This video posted by 第八日 from Ningxia. pic.twitter.com/GoeffvZBHC
— Wild Beijing 北京自然 (@BirdingBeijing) April 11, 2023
People are recording the sand storm this morning in #Beijing… #weather pic.twitter.com/enmPjY8NrM
— Jinfeng Zhou (@Zhou_jinfeng) March 15, 2021
Невремето ја намали видливоста на неколку десетици метри. Песочната бура дојде од јужна Монголија и, освен Пекинг, ги зафати и другите северни кинески провинции, вклучително и Внатрешна Монголија, Хеилонгџијанг и Ксинџијанг, соопшти Министерството. Бурата зафатила површина од 2,29 милиони квадратни километри.
Метеоролошкиот центар соопшти дека северниот дел на Кина годинава веќе се соочи со повеќе песочни бури од просекот забележан во изминатите десет години. Индексот на квалитетот на воздухот во Пекинг денеска изутрина сè уште беше околу 900, со екстремно високи концентрации на честички ПМ10 и облак од прашина над главниот град кој подоцна го растераа ветровите.