ВЕРИЖНА СООБРАЌАЈКА МЕЃУ ДЕЛЧЕВО И КАМЕНИЦА Сообраќајот е во прекин

Поради верижна сообраќајка во прекин e сообраќајот на регионалниот пат Делчево – Македонска Каменица. Сообраќајката се случила во близина на патот кој води за селото Бигла, а според информации на очевидци кои ги потврди и делчевската полиција, во сообраќајката учествувале три возила и еден камион.

Сведоците за Макпрес.мк потврдиле дека сообраќајката настанала кога возило со странски регистерски таблички се обидело да го претекне камионот.

На самото место, покрај полицијата која врши увид, пристигнало и возило на Итната медицинска помош, но засега нема информации дека во сообраќајката има сериозно повредени.

Се очекува МВР да даде повеќе информации во текот на денот.