ВЕНЕЦУЕЛА СОРАБОТУВА, ГО ОТКАЖАВ ВТОРИОТ НАПАД Трамп најави 100 милијарди долари инвестиции од нафтените компании
САД и Венецуела добро соработуваат, особено кога станува збор за обнова, во многу поголема, подобра и помодерна форма, на нивната нафтена и гасна инфраструктура, напиша шефот на САД на својата мрежа „Truth Social“.
Венецуела соработува со САД и ослободува заробеници, вели американскиот претседател Доналд Трамп објаснувајќи дека затоа одложил втор напад врз земјата.
Според Трамп големиот број ослободени политички затвореници е знак на барање мир, многу важен и паметен гест.
„САД и Венецуела добро соработуваат, особено кога станува збор за обнова, во многу поголема, подобра и помодерна форма, на нивната нафтена и гасна инфраструктура“, напиша шефот на САД на својата мрежа „Truth Social“.
Тој вели дека „поради оваа соработка, го откажав претходно очекуваниот втор бран напади, кој изгледа дека нема да биде потребен, но сите бродови ќе останат на место од безбедносни причини“.
Првиот човек на САД вели дека најмалку 100 милијарди долари ќе бидат инвестирани од големите нафтени компании и дека со сите претставници на компаниите ќе се сретне денес во Белата куќа.
Претходно, Каракас објави дека ослободил „значаен број“ притвореници, меѓу кои и поранешниот кандидат на опозицијата Енрике Маркез.
– Сега сè е готово – рече Маркез во видео снимено од локален новинар кој го придружувал него, неговата сопруга и соработникот Бјаџо Пилиери, кој исто така бил ослободен.