ВАРХЕЈИ И ЗАЕВ ТВИТНАА ДЕКА СЕ СРЕТНАЛЕ Владата не соопшти за што разговарале

Еврокомесарот за проширување, Оливер Вархеји, дојде и си замина од Скопје, но официјално никој не соопшти што тој разговарал со претставниците од земјава.

Еврокомесарот објави на Твитер дека е во Скопје на средба со премиерот Зоран Заев. Наместо официјално соопштение,  премиерот го реобјави твитот на Вархеји.

„Среќен сум што се вратив во Скопје на целосна дискусија со премиерот Заев. Се согласивме за брз почеток на имплементирање на проектите од Економскиот инвестициски план за Западен Балкан за зајакнување на економскиот развојна Северна Македонија и регионот. Разговаравме како да постигнеме напредок во отворањето пристапни преговори со Северна Македонија и Албанија”, напиша Вархеји.

Happy to be back to #Skopje for a comprehensive discussion w PM @Zoran_Zaev. We agreed to quickly start implementing the first flagship projects from Economic & Investment Plan for #WesternBalkans to boost economic development&convergence of #NorthMacedonia and the region w #EU. pic.twitter.com/VsXmkATbbk

— Oliver Varhelyi (@OliverVarhelyi) September 29, 2021

Премиерот, пак, напиша:

„Денеска во Скопје имав средба со еврокомесарот Оливер Вархеји, со кого отворено разговараме на неколку теми како што е Економскиот инвестициски план, кој е навистина силен позитивен импулс за нас, до конкретни проекти кои ќе бидат објавени до крајот на годината”.

Денеска во Скопје имав средба со еврокомесарот @OliverVarhelyi, со кого отворено разговараме на неколку теми како што е Економскиот инвестициски план, кој е навистина силен позитивен импулс за нас, до конкретни проекти кои ќе бидат објавени до крајот на годината. pic.twitter.com/x6fHC0XSI8

— Зоран Заев (@Zoran_Zaev) September 29, 2021