ВАНДАЛИЗАМ ВО „МАКЕДОНИЈА“ Клупите во паркчето искршени и расфрлани

Оштетени, искршени и откорнати клупи расфрлени во зеленилото, е сликата која утрово екипите на Паркови и зеленило ја затекнале во паркот „Македонија“, кој се наоѓа покрај булеварот „Митрополит Теодосиј Гологанов“, информира јавното претпријатие.

„За жал вакви глетки на уништена парковска опрема се сé почеста појава во градот. Апелираме истата да се чува како општо јавно добро за сите посетители“, се вели во соопштението од Паркови и зеленило.