ВАКЦИНАТА ШТИТИ МНОГУ ПОВЕЌЕ ОД ПРЕЛЕЖАН КОВИД Филипче објасни зошто се ограничува движењето
Министерот нагласи дека сите сериозни студии на големи испитаници одат во насока на тоа дека вакцините штитат од заразување.
Имунитетот од вакцината штити многу повеќе од прележана болест, порача вечерва министерот за здравство Венко Филипче во интервју на ТВ Канал 5, појаснувајќи ја мерката која го ограничува движењето на лицата кои прележале ковид.
– Има една студија која што вели дека оние кои се вакцинирани можат да заболат со ризик од 0,07 проценти, а 1,2 отсто од прележаните можат да заболат. Што значи дека кај нив е поголем ризикот и од тука таа препорака за што пократко време од прележувањето, а тоа е после месец дена и дополнителни две недели, да се организира севкупниот процес. Тоа е нешто што на граѓаните допонително им го штити здравјето, -појасни Филипче.
Тој информираше и за една препорака на американските научници која вели дека може да се прими вакцина после десет дена од направениот тест кај асимптоматски пациенти.
Министерот нагласи дека сите сериозни студии на големи испитаници одат во насока на тоа и дека тоа се ставови на Светската здравствена организација дека што порано вакцина, дополнително го штити здравјето.