ВАКА НЕ СЕ ГРАДИ ДОБРОСОСЕДСТВО И ПРИЈАТЕЛСТВО Осуда од МНР за декларацијата на Советот на Благоевград

Ваквите декларација се во спротивност на интенцијата на двете Влади за градење доверба меѓу народите на двете земји, и со духот на Договорот за пријателство и добрососедство – се вели во реакцијата на МНР.

284

Во врска со Декларацијата на Советот на Општина Благоевград, Министерството за надворешни работи ги осудува непримерните квалификации во содржината кои се однесуваат на македонскиот народ, се вели во реакцијата на МНР на објаснувањето на Советот на Благоевград за донесената забрана за отоврање на македонскиот културен клуб „Никола Вапцаров“.

За нас е неоспорен историски факт дека македонската нација е вештачки создадена од Коминтерната во 1934 година, дека нејзината единствена причина за постоење била да им служи на интересите на болшевичката партија и на Советскиот Сојуз и за целите на туѓа држава!“- се вели во решението на Советот на Благоевград.






„Очигледно е дека ваквите декларација се во спротивност на интенцијата на двете Влади за градење доверба меѓу народите на двете земји, и со духот на Договорот за пријателство и добрососедство, чија основна цел е токму тоа, да промовира пријателство и меѓусебно почитување.

Уште еднаш потенцираме дека интерес на двете држави и на сите граѓани е унапредување на добрососедството и во оваа насока ги охрабруваме и локалните власти, но и сите други здруженија и групации за посебен фокус кон активности кои создаваат пријателство, меѓу-гранична соработка, економска, културна и туристичка размена, соодветно на духот на европската соработка“ – се вели во реакцијата на МНР.

Поврзани содржини