„ВАЊА ЈА ПЛАТИ ЦЕНАТА“ Агелер впери прст во институциите што ги оставиле криминалците на слобода

Американската амбасадорка Анџела Агелер, во емисијата „Стадион“ на Канал 77, упати остри критики до македонските институции за убиството на 14-годишната Вања Ѓорчевска кои, како што посочи, ги оставиле криминалците на слобода иако знаеле дека се криминалци, а цената ја плати младата девојка.

– Дозволете да ви кажам искрено, како што претходно денес реков, системот не успеа да и помогне на таа млада девојка. Се работи за криминалци за кои се знаело дека се криминалци, дека се насилни и не се во затвор. Не биле претходно апсени и затворени. Не биле апсени и гонети за нивните претходни злосторства, не морале да ја платат таа цена, па цената ја плати една млада девојка. Вања ја плати цената – рече Агелер.

Американската амбасадорка истакна дека  институциите треба да се запрашаат што можеле да сторат за да се спречи ваква трагедија и зошто дозволуваат криминалците слободно да се движат и да вршат злодела.

– Апасолутно е срцепарателно. Апсолутно е срцепарателно. Сега не е време за политизација, туку време за институциите да фрлат еден безмилосен поглед на себе и да се прашаат што можевме да сториме за да ја спасиме оваа млада девојка и сите други деца во земјава? Зошто дозволуваме криминалците слободно да се движат и да вршат злодела врз кого било во државата? Ова е трагедија и се надевам, се молам, дека оваа држава, граѓаните, институциите и државните претставници ќе се погледнат во огледало и ќе прашаат што правевме, што треба да направиме сега за да бидеме сигурни дека вакво нешто никогаш повеќе нема да се случи – истакна Агелер во разговорот за Канал 77.