УСЛОВНА КАЗНА ЗА НАПАДОТ НА НОВИНАРСКА ЕКИПА ВО ВИЗБЕГОВО Сопствениците на депонијата признале вина
Основниот кривичен суд Скопје им изрече условна затворска казна на лицата А.Н. и М.К., кои на 9 јули, годинава, нападнаа новинарската екипа на телевизијата Алсат. Инцидентот се случи за време на големиот пожар на дивата депонија во скопско Визбегово, додека новинарите беа на терен и известуваа за сериозното загадување на воздухот.
Можеби ќе ве интересира
Двајцата обвинети признале вина пред Судот и се согласиле со сите обвинувања за кои ги товари Јавното обвинителството.
Судот ги прогласи за виновни и му изрече три години условна казна на А.Н. и една година и три месеци условна казна на М.К. Доколку не ги почитуваат условите на казната, тие ќе бидат спроведени во ефективен затвор.