УШТЕ КОЛКУ РОДНИНИ НА АЛИ АХМЕТИ ОСТАНАА НЕВДОМЕНИ ВО ДРЖАВНИТЕ ИНСТИТУЦИИ? Алтернатива остро за испраќањето на Бесијан Ахмети во Брисел

Во времето кога стотици илјади Албанци секојдневно се принудени да ја напуштаат својата татковина и да се преселуваат на запад, продолжува бескрупулозниот непотизам на функционерите на ДУИ, кои со своите постапки продолжуваат да ја убиваат надежта на младите Албанци, тврди партијата Алтернатива.

„Таков е случајот со членот на семејството на лидерот на ДУИ, Бесијан Ахмети. Членот на семејството на Али Ахмети, со одлука на министерот за економија, Крешник Бектеши, но и со одобрение на министерот за надворешни работи, Бујар Османи, преку партиското и семејното фаворизирање, е именуван за прв секретар во Амбасадата на РСМ во Брисел, заземајќи го местото на стотиците албански професионалци квалификувани за таа позиција“, открива Алтернатива.

Поради ова партијата го прашуваме Али Ахмети:

„Уште колку членови на семејството ви останале несместени во државните институции? До кога треба да чекаат Албанците додека Династија Ахмети-ДУИ ќе се сити на нивен грб? Уште колку Албанци треба да се преселат за да се задоволи семејството Ахмети?“

Алтернатива ја повикува Државната комисија за спречување на корупција и сите надлежни институции да реагираат на „срамниот непотизам на ДУИ на кој секојдневно сме сведоци“.