Уште една вакцина со висока ефикасност, „Новавакс“ се појавува во вистинско време

Американскиот производител на вакцини „Новавакс“ објави дека според последните студии, ефикасноста на нивната вакцина против вирусот ковид-19 е дури 90 проценти.

Иако големата побарувачка за вакцини во САД драматично опадна, побарувачката за вакцини ширум светот е сè уште критична, а вакцината „Новавакс“, е лесна за чување и транспорт, па се очекува да игра важна улога во зголемувањето на залихите на вакцини ширум светот.

– Многу вакцини ќе одат во земји со ниски и средни примања – рече извршниот директор Стенли Ерк, додавајќи дека „Новавакс“ досега беше многу успешен во различни земји со луѓе од сите возрасти и дека нема извештаи за невообичаени згрутчување на крвта и слични проблеми.

Студијата на „Новавакс“ опфати 30.000 лица постари од 18 години, од кои две третини примиле две дози на вакцина, а една третина добиле лажна инјекција.

77 случаи на ковид-19 се пријавени кај вакцинирани лица и 14 кај вакцинирани со лажната инјекција, во кои инфекцијата била во многу посилна форма.

Според производителот, несаканите ефекти главно биле болка на местото на вакцината.