УРАГАНОТ ГРЕЈС ОДНЕСЕ ОСУМ ЖИВОТИ ВО МЕКСИКО Меѓу загинатите има и деца

Ураганот Грејс ослабнал кога стасал на источниот брег на Мексико и се претворил во тропска бура, соопшти Американскиот центар за следење урагани, но сепак однесе најмалку осум животи во државата Веракруз.

Грејс во 17 часот по средноевропско време бил 40 километри од Мексико, со ветер кој дувал со 110 километри на час и се движел со брзина од 20 километри на час.

Во текот на ноќта треба да ослабне во тропска депресија, а во недела ќе исчезне, наведува центарот.

Гувернерот на Веракруз соопштил дека има осум починати, меѓу кои има и деца.

Ураганот урнал покриви, дрвја и имало прекин на електричната енергија.