ЏУЛИЈА РОБЕРТС ГОТВИ ЗА СЕМЕЈСТВОТО, АМА И ЗА КОЛЕГИТЕ КОГА СНИМА ФИЛМ Оскаровката посакува готвењето и домаќинството да се вратат во училиштата
Џулија Роберт верува дека основните животни вештини – како готвење, пеглање и управување со пари – се исто толку важни како и секое друго знаење, а семејните оброци ѝ се најголема радост.
Актерката Џулија Робертс (57) не го пронаоѓа своето место само пред камерата, туку и зад шпоретот.
За време на снимањето на филмот „After the Hunt“, таа самата готвела за целата екипа.
Во интервју за германскиот Augsburger Allgemeine, добитничката на Оскар објаснува дека тоа за неа е сосема природно.
– Готвам постојано – и на сетот, и дома. Гладот се јавува на секои четири часа, па тоа е прилично редовна појава за мене – вели таа.
Според неа, готвењето е нешто „исполнето со љубов и приземност“. Таа секогаш вложува срце во сè што прави – без разлика дали се работи за филм или за оброк.
Нејзината филозофија за готвење е едноставна и искрена: „Храната е како животот – не мора да биде комплицирана, само вистинска. Свежи состојки и добро друштво – тоа е доволно.“
Токму од тој ентузијазам произлегува и нејзината идеја да се воведе предмет домаќинство во училиштата.
– Звучи старомодно, но тоа е она што навистина ни треба за живот – готвење, печење, пеглање, пополнување чекови… Мене тоа ми се допаѓа – вели актерката, нагласувајќи дека тоа се „вештини од реалниот живот“.
View this post on Instagram
Во приватниот живот, Робертс особено го цени заедничкиот семеен оброк.
– Обожавам кога целото семејство седи на маса. Тоа за мене е вистинска среќа – открива таа. Со сопругот Даниел Модер одгледуваат три деца и се стремат кон топол, поврзан семеен живот.
И покрај страста кон готвењето, актерката внимателно се однесува кон исхраната: преферира храна без глутен, органски производи и често подготвува банана леб. Нејзиниот ден најчесто започнува со тост од кисело тесто со авокадо и јајце, за ручек јаде салата, а за вечера лосос со интегрален ориз и чаша вино.
Но Робертс не гледа на храната како на непријател. „Зошто сите се плашат од тестенини? Тие никому не му наштетиле,“ изјавила таа со насмевка, додавајќи: „Обожавам колачиња.“