📷 УКРАИНЦИТЕ ЗАРОБИЈА СЕВЕРНОКОРЕЈСКИ ВОЈНИК Објавена е и фотографија од него
Јужнокорејските власти тврдат дека досега во Русија се испратени околу 11.000 севернокорејски војници и дека во тек се подготовки за натамошно распоредување на војници и воена опрема.
Јужнокорејската разузнавачка агенција утринава објави дека украинските војници заробиле ранет севернокорејски војник кој се борел на страната на Русија.
Во соопштението се наведува дека јужнокорејската разузнавачка агенција добила информации од разузнавачките агенции на „пријателските земји“ за фаќање на ранет севернокорејски војник, пренесе Јонхап.
Украинскиот воен весник Милитарни во четвртокот објави дека украинските сили заробиле војник од Северна Кореја за време на операциите во руската област Курск, без да прецизира кога се случил инцидентот.
На социјалните мрежи е објавена фотографија на која наводно се гледа ранет заробен севернокорејски војник. Не се знае степенот на повредите на војникот.
BREAKING ‼️ Reported as the first captured North Korean
What could Ukraine do with him? pic.twitter.com/6gvFSilnca
— PS01 □ (@PStyle0ne1) December 26, 2024
Јужнокорејските власти тврдат дека досега во Русија се испратени околу 11.000 севернокорејски војници и дека во тек се подготовки за натамошно распоредување на војници и воена опрема.
Украинскиот претседател Володимир Зеленски изјави претходно оваа недела дека повеќе од 3.000 севернокорејски војници загинале во регионот Курск.