УКРАИНЦИТЕ ПОГОДИЛЕ РУСКИ ХЕЛИКОПТЕР Отпор има по цела граница, убиени 50 руски окупатори (ВИДЕО)
Советник на украинскиот претседател наведува дека украинската армија им дава отпор на руските сили практично по целата граница со Русија и дека жестоки борби се водат во регионите Суми, Харков, Керсон, Одеса и на воениот аеродром кај Киев.
На социјалните мрежи се појави видео од рускиот хеликоптер Ка-52 Хокум Б, кој најверојатно присилно слетал откако претрпел штета, наводно северозападно од Киев, пренесува Мондо. Украинците објавија видео од урнатиот хеликоптер, а полициските сили го окупираа авионот. Пилотот и копилотот најверојатно се во бегство.
#Russia 🇷🇺Ka-52 Hokum B attack helicopter in apparent forced landing after suffering damage, reportedly North West of Kiev #Ukraine 🇺🇦 pic.twitter.com/e4rJQjaaCu
— Joseph Dempsey (@JosephHDempsey) February 24, 2022
Претходно денеска генералот Валериј Залужни објави извештај од областа каде што се водат конфликти со руската армија.
– Уништени се најмалку шест авиони и два хеликоптери и десетици оклопни возила. Околу 50 руски окупатори беа убиени во близина на Шасти. Ситуацијата во правец на регионот Керсон е тешка, но украинските одбранбени сили му даваат отпор на агресорот – заклучи тој.
Советник на украинскиот претседател наведува дека украинската армија им дава отпор на руските сили практично по целата граница со Русија и дека жестоки борби се водат во регионите Суми, Харков, Керсон, Одеса и на воениот аеродром кај Киев.