„УДИРАЈЌИ МЕ ПО СТОМАКОТ НАСИЛНО МИ ГО ИЗВАДИВТЕ БЕБЕТО!“ Потресно обраќање на мајката на починатото бебе во битoлската болница
Госпоѓата, која што веднаш после смртта на моето бебе си замина на одмор и не се појави на ниту едно сослушување, која тврдеше дека не учествувала во мојот пораѓај, иако таа ме искасапи и животински ми скокаше на стомакот, ми се смееше и ми рече „Ако не ти се бендисваме ние, оди си во Плодност" – пишува родилката Викторија Крстеска.
„Ни го убивте бебето поради вашето его, надменост и непрофесионализам. Мислејќи дека сте Бог. Убијци! Парична казна? Смешно е. Дури не сносат одговорност нема да се откажеме! Нe потценивте и мене и сопругот. Но, ќе ве изгорам сите. Ветувам“ – пишува во своето драматично и емотивно обраќање до лекарите на битолската болница, како и до јавноста, битолчанката Викторија Крстеска, чие бебе почина во битолската болница.
Во својата објава на нејзиниот профил на социјалната мрежа Фејсбук, Крстеска таа тврди дека имало време за породување со царски рез, но поради нестручноста на лекарите, тоа не било сторено.
„Удирајќи ме во стомакот, на кој што сè уште имам траги, насилно ми го извадивте бебето кое никогаш не успеав да го видам!“ – обвинува родилката.
Во совјот пост Крстеска, меѓудругото, пишува:
„Овие денови требаше да ја добијам најголемата титула во животот – МАЈКА. Поради партиските „препуцавања“, Ривалство, инает меѓу докторите и неспособноста, јас изгубив најмногу. Го изгубивме највредното нешто во животот. Нашиот Јован. Нашето најмило. До кога ради вас партиски пиунчиња ќе страдаме?
Се изначитавте.. безброј лаги. Различни приказни.. Сите се ставивте на мое место внатре во сала, а уствари, таму бев само јас и тие..„луѓе”. Не знам и дали дали треба да кажам дека се луѓе. Бебето не ми почина во стомакот, ниту беше извадено со вакум, иако се колнат дека било. Пола секунда било.. Ех, уште на маката и будала да те направат.. Точно дека бев вратена од болница дома и сè уште си го поставувам прашањето, зошто?
Се вратив во раце на други. Откако ми го пукнаа водењакот и искусните воочиле дека има мекониум, а ЦТГ уредно, а за кое никогаш не одбив да ми биде направено, имаше време за царски, и до утре можат да ме убедуваат дека немало, било во каналот… Па еве, кога било во канал, можевте веднаш да употребите ама вистински вакум и да го извадите и ми го спасите бебето, а не додека после пукање на водењакот викав, кревајќи ја болницата од болки и молев за рез, уште два часа, госпоѓата која што веднаш после смртта на моето бебе си замина на одмор и не се појави на ниту едно сослушување, која тврдеше дека не учествувала во мојот пораѓај, иако таа ме искасапи и животински ми скокаше на стомакот, ми се смееше и ми рече „Ако не ти се бендисваме ние, оди си во Плодност”.
Удирајќи ме во стомакот, на кој што сè уште имам траги, насилно ми го извадивте бебето кое никогаш не успеав да го видам! И уште лесен бил пораѓајот, дај боже сите следни да ми се вакви….??? Па не бил насилен пораѓај. Какви се не небулози ќе слушнам? Зарем немате трошка милост? Дел по дел ќе обелоденам се!
Имав најздрава бременост, до последниот миг. Секој преглед уреден, секој резултат уреден.
Го направија пропустот за кој што знам, дека никој нема да сноси одговорност или за да се покријат, ќе одговара некој друг“.
За овој случај Инспекцискиот надзор од Државниот здравствен и санитарен инспекторат (ДЗСИ) констaтирал недостатоци во лекувањето, за што ќе бидат изречени прекршочни мерки за д-р М. В, за правното лице – болницата и за одговорното лице во правното лице – директорот, врз основа на Законот за евиденции во областа на здравството. Исто така, за д-р М. В. ќе биде изречена и прекршочна мерка по Законот за здравствена заштита.