УБИЕН Е КОСОВСКИ ПОЛИЦАЕЦ ВО КАЧАНИК Го нашле тешко повреден на влезот од својата зграда
Причините за смртта на полицаецот, како и другите околности, сѐ уште не се познати, посочи портпаролот на косовската полиција, Канун Весељи.
Припадник на косовска полиција е убиен синоќа во Качаник. Полицаецот бил пронајден тешко повреден на влезот од неговата зграда, а потоа бил пренесен во Медицинскиот центар во Качаник каде што починал, објави Коссев.
Портпаролот на полицијата, Канун Весељи, за новинарите изјави дека инцидентот се случил синоќа околу 23 часот.
Другите околности на смртта сѐ уште не се познати.
– На 01 април 2025 година, околу 23 часот, добивме информација дека едно лице е повредено и во тешка состојба на влезот во неговата зграда, на улицата Идриз Сефери во Качаник. Покрај полициските единици, на местото на настанот пристигнала и екипа на Брза помош од Качаник – изјави Весељи.
Тој рече и дека регионалните истражители и форензичарите пристигнале на местото на настанот и ќе ги спроведат потребните испитувања.
– Причините за овој инцидент сѐ уште не се познати. За дополнителни информации навремено ќе бидете известени – рече Весељи.