📽️ УАПСЕН СОПСТВЕНИКОТ НА БАРОТ, СОМНЕЖИТЕ СЕ ЗГОЛЕМУВААТ Нови детали за трагедијата во Кран-Монтана

Сопственикот на барот „Le Constellation“ во швајцарскиот алпски скијачки центар Кран-Монтана, Жак Морети, е уапсен под сомнение дека постои ризик од бегство.

Неговото апсење уследи по повеќедневна истрага за една од најтешките трагедии во поновата швајцарска историја, во која на новогодишната ноќ загинаа најмалку 40 лица, а 119 беа повредени.

 

🚨 JUST IN

Jacques and Jessica Moretti arrive at the prosecutor’s office for questioning about the Crans-Montana massacre

Eyes loweredpic.twitter.com/7cbeXLGrKK

— Mambo Italiano (@mamboitaliano__) January 9, 2026

Во исто време, за првпат пред камерите проговори и Џесика Морети.

– Сите мои мисли се постојано со жртвите и повредените. Ова е незамислива трагедија. Никогаш не можевме да ја замислиме. Се случи во нашиот ресторан. Сакам да се извинам – изјави Џесика Морети, видно скршена и во солзи, задушена од емоции и едвај способна да зборува, откако беше оставена да се брани од слобода.

 

Jessica Moretti La gérante du Constellation de Cran Montana prend la parole pour la première fois. Pleure t ellle a cause de l incendie ou de l incarcération de son mari et de la chute de leur empire ? Beaucoup de interroge pic.twitter.com/p4rAh5BRp6

— 🇨🇭NON A 🇪🇺 (@CHwithoutUE) January 9, 2026

Катастрофата се случи во раните утрински часови на 1 јануари, околу 1:30 часот по локално време, додека гостите го славеа почетокот на 2026 година. Во еден момент избувна пожар кој се прошири исклучително брзо низ целиот објект, зафаќајќи го поголемиот дел од зградата.

Очевидци сведочат дека пожарот настанал речиси моментално, предизвикувајќи паника меѓу присутните. Според нивните изјави, луѓето очајно се стрчале кон скалите што водат до излезот, туркајќи се и прекачувајќи се едни преку други во обид да се спасат. Се слушале вресоци, а дел од гостите кршеле прозорци за да избегаат од просторот исполнет со чад. Брзината со која се ширел огнот дополнително ја отежнала евакуацијата, што резултирало со голем број жртви и повредени.

Швајцарскиот претседател Гај Пармелан трагедијата ја опиша како „една од најлошите што нашата земја некогаш ги доживеала“, нагласувајќи дека целата нација е во жалост. Властите прогласија ден на национална жалост, а во Кран-Монтана граѓаните оставаа цвеќе, писма и свеќи во спомен на загинатите.

Француското обвинителство ги истражува сопствениците на барот под сомнение за повеќекратни кривични дела, меѓу кои и убиство од небрежност. Неколку семејства на жртвите веќе поднеле кривични пријави, барајќи целосна одговорност за, како што тврдат, сериозните пропусти што довеле до трагедијата.

Според првичните наоди од истрагата, постојат сомнежи дека пожарот бил предизвикан од употреба на прскалки или слични пиротехнички средства во затворен простор, кои запалиле лесно запаливи материјали на таванот. Се испитува и дали објектот ги исполнувал сите безбедносни стандарди и дали претходните инспекции биле соодветно спроведени.

Снимена сопственичката како бега со пари кога започна пожарот?

 

CRANS MONTANA 🇨🇭
Jessica Moretti La propriétaire du bar Le Constellation à Crans-Montana aurait été filmée en train de s’échapper avec la caisse d’argent après le début de l’incendie…#faitsdivers #drame #cransmontana #incendie #revelation pic.twitter.com/5BQneMrPXP

— GDams (@Gdams70) January 8, 2026

Сопственичката на клубот „Le Constellation“, Џесика Морети, наводно избегала од запалениот објект додека пожарот сè уште беснеел. Италијанскиот весник „Република“ објави дека надзорните камери ја снимиле Морети како го напушта клубот носејќи каса со пари во рацете.

Сведоци изјавиле дека сопственичката излегла од клубот држејќи ја касата, додека гостите биле зафатени од пламен и чад. Овие тврдења ја натерале полицијата детално да ги анализира сите достапни видео-снимки од безбедносните камери во и околу објектот.