Твитер-реакции за (не)вакцините во Македонија: „Набавивме фрижидери, ќе правиме сладолед“
Министерството за здравство вчера информираше дека Ковакс системот преку допис ги соопштил деталите за првата испорака и типот на вакцината која ќе пристигне во нашата земја. Станува збор за вакцината „АстраЗенека“, од која првата количина за Северна Македонија е планирано да пристигне во март.
„Дополнително од Ковакс информираат дека во првиот бран на достава на вакцината „Фајзер“ BNT162b2 се вклучени само 18 учесници, а не се вклучени земјите кои започнале сопствени програми за вакцинација против ковид-19. Од Ковакс механизмот изјавуваат дека во идните фази на дистрибуција дози на „Фајзер“ вакцината може да бидат вклучени и другите учесници во механизмот“, соопшти Министерството за здравство.
Еве ги реакциите на твитерџиите:
На крај ќе испадне пола ЕУ да се извакцинира со руската Спутник а ние ќе узумреме чекајќи го Фајзер. И пак ќе бидеме и криви и глупи!
— ТОМЧЕ КРУЗЕВ (@BumBumCiaoTokio) February 3, 2021
Од тоа што слушнав Спутник и кинеската вакцина во пракса се значително подобри од Фајзер и Астра зенека. Ама ние сме за Америка другото не е битно..
— Бокан☆ (@BoKan1429) February 3, 2021
Се збори,но не верувам. Можеби подоцна. Еве сега излезе дека нашиве главучи сакале уште повеќе да му се упикаат на западот, па затоа неќеле да разговараат со Русите и Кинезите за вакцини. Оти ние позападни од западњаците и освен Фајзер ништо друго. И сега со прст во уста. Идиоти.
— tantela (@starmarsovec) February 2, 2021
За Фајзер набавивме фрижидери, за астра зенека можат да набават миксери па ако не дојде и таа ќе прајме сладолед
— Дрек Сак🚲 (@Dean06618857) February 2, 2021
МЗ не успеа со Спутник, Фајзер, Астра-З му остана уште Бутел А.Д.
— Шодер (@Shoeder006) February 2, 2021
Нашите визионерски лидери го одбија ова.
РУСКАТА ВАКЦИНА ПРОТИВ КОВИД-19 Е НА НИВО НА „ФАЈЗЕР“ И „МОДЕРНА“, ВЕЛАТ НАЈНОВИТЕ РЕЗУЛТАТИ – Сакам Да Кажам https://t.co/jYvOz4uF9K
— Ненаспана Муцка (@Nenaspana_Mucka) February 2, 2021
Ако излегне македонски сој на корона вирус, нит Фајзер, нит Спутник ќе не спаси.
— Атанасовски (@AdvokatNikolco) February 2, 2021
Прво јануари, па февруари еве сега март ама која година не е познато.
Лагите се трупаат, вакцинацијата стоо. pic.twitter.com/pd9SqAKNIy— Wicked Mrchatina (@Mrchatina) February 3, 2021