Трудо: Само вакцинираните ќе може да влезат во Канада

На странските туристи кои не биле вакцинирани против ковид-19 нема да им биде дозволено да влезат во Канада некое време, бидејќи владата не сака да го загрози напредокот постигнат во борбата против коронавирусот, изјави канадскиот премиер Џастин Трудо.

– Веднаш можам да ви кажам дека тоа нема да се случи уште некое време – рече Трудо одговарајќи на новинарско прашање кога Канада ќе дозволи влез на невакцинирани туристи во земјата, објави Ројтерс.

Трудо додаде дека во наредните недели ќе има што повеќе да каже за тоа кога може да се отворат повторно канадските граници за целосно вакцинирани туристи.