📷 ТРОЈЦАТА ПРИЛЕПЧАНИ ЖИВИ ИЗГОРЕЛЕ ВО СМАЧКАНИОТ АВТОМОБИЛ Детали за страшната сообраќајка на патот Прилеп-Битола
Во несреќата, патничкото возило се запалило и на лице место починале тројцата патници. Смртта ја констатирал лекар од Итна медицинска помош Прилеп. Увидот го врши јавен обвинител и полициски службеници од ОВР Прилеп, информираше Министерството за внатрешни работи (МВР).
Живи изгореле тројцата прилепчани кои утрово доживеаја сообраќајна несреќа на патот Прилеп-Битола, откако нивниот автомобил се судри со камион кај клучката за селото Лагово, информираше Министерството за внатрешни работи (МВР).
„Утрово во 07.51 часот во СВР Битола било пријавено дека на патот Прилеп-Битола кај клучката Лагово се случила сообраќајна несреќа помеѓу патничко возило ‘тојота’ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило ‘волво’ со скопски регистарски ознаки управувано од Г.Р.(51) од Битола. Во несреќата, патничкото возило се запалило и на лице место починале тројцата патници. Смртта ја констатирал лекар од Итна медицинска помош Прилеп. Увидот го врши јавен обвинител и полициски службеници од ОВР Прилеп. Од 08.00 часот сообраќајот на патот А3 Прилеп-Битола кај с. Лагово е затворен за сообраќај во двата правци“, информираше МВР.
Од Основното јавно обвинителство Прилеп информираат дека е извршен увидот на лице место на тешката сообраќајна несреќа на патот Прилеп-Битола во која утрово три лица го загубија животот, а едно е повредено.
Според првичните сознанија, до несреќата дошло при судар на патничко возило „тојота“ со прилепски регистарски ознаки и товарно возило „волво“ со скопски ознаки. Причините за несреќата се утврдуваат.
„Јавниот обвинител издаде наредба за обдукција на телото на починатите, сите патници во автомобилот, како и за испитување на примероци од крв и урина од возачот на камионот. Наредено е и сообраќајно-техничко вештачење за утврдување на причините“, соопштуваат од обвинителството.