ТРОЈЦА ЗАГИНАТИ ПРИ ПРЕВРТУВАЊЕ НА ПАТНИЧКО КОМБЕ! Во страшната несреќа кај Катланово се повредени 5 лица кои завршиле во болница

Тројца загинати и пет повредени е резултат на тешката сообраќајна несреќа што се случила кај тунелот Катланово, велат извори од МВР за Плусинфо.

Несреќата, во која се превртело патничко комбе, се случила во 17:45 часот. Од Министерството за внатрешни работи (МВР) за Плусинфо потврдуваат дека кај тројца е констатирана смрт, а петмина се префрлени во болница за лекарска помош. На местото на несреќата веднаш се упатени полициски екипи и јавен обвинител.

• СТРАШНА НЕСРЕЌА НА АВТОПАТОТ! БРЗАТА ПОМОШ ВЕЌЕ Е НА ПАТ! Сообраќајот е блокиран на делницата Скопје – Велес

Неофицијално дознаваме дека патичнкото возило било на некоја компанија која превезувала работници.

Околностите и точните причини за оваа стравична несреќа допрва ќе се утврдуваат.

По инцидентот, на автопатот се создадоа огромни колони, бидејќи сообраќајот е блокиран. Возилата се пренасочуваат по стариот пат од Петровец до Велес, а на располагање е и опцијата преку Миладиновци – Свети Николе – Штип – Велес.

Дежурен јавен обвинител од Основното јавно обвинителство Скопје и увидни екипи на МВР вечерва вршат увид на лице место на сообраќајна несреќа на автопатот Скопје – Велес, информира ЈОРМ.

На местото на несреќата е повикан и сообраќаен вештак за утврдување на причините.

Според ЈОРМ, се преземаат увидни дејствија, а јавниот обвинител ќе ги издаде сите потребни наредби за вештачења.