📽 ТРОЈЦА СКИЈАЧИ ЗАГИНАА ВО ЛАВИНА ВО ИТАЛИЈА Снежната маса ги влечела неколку стотини метри
Според спасувачките извештаи, сите скијачи биле и искусни планинари, но било издадено предупредување за голема опасност од лавина во областа која се наоѓа на височина од над 2.100 метри.
Тројца скијачи вчера загинаа во лавина во северниот дел на италијанскиот регион Пиемонт, објави Јуроњуз.
Лавината погодила група од петмина скијачи, од кои двајца преживеале и соо хеликоптер итно се пренесени во болница.
Според спасувачките извештаи, сите скијачи биле и искусни планинари.
Лавината започнала околу пладне на источната страна на Пунта Валгранде, врв на границата меѓу Италија и Швајцарија.
Снежната маса ги влечела скијачите неколку стотини метри од местото каде што скијале, на надморска височина од 2 800 метри.
Според извештаите, групата се искачила на ридот пеш, а потоа се спуштила на скии.
Инаку, било издадено предупредување за голема опасност од лавина во областа која се наоѓа на височина од над 2.100 метри.
На местото на несреќата пристигнале хеликоптери, заедно со техничари од Алпскиот спасувачки тим и со полицијата.
Повредените скијачи не се здобиле со сериозни повреди.
In Piemonte una valanga travolge un gruppo di scialpinisti italiani. I corpi delle tre vittime trascinati nella neve per centinaia di metri. La valanga si è staccata da Punta Valgrande, a Trasquera, a 2800 metri pic.twitter.com/d7iE1qnoYl
— Tg3 (@Tg3web) January 12, 2025