ТРИ ВОЗИЛА И ЕДНА БАНДЕРА ГОРЕА УТРОВО Полицијата изврши увид, но не соопшти детали

Рано утрово на булевар Партизански Одреди се случил пожар  на три патнички возила и една бандера.

Пожарот, како што соопшти полицијата, настанал во патничко возило „митсубиши колт“ со скопски регистарски ознаки, сопственост на С.П.(24) од Скопје. Од пожарот бил зафатени уште две возила – „рено меган“ со скопски регистарски ознаки, сопственост на А.Б.(30) и патничко возило „дајхатсу сирион“ со скопски регистарски ознаки, сопственост на Г.М.(55) од Скопје.

Полицијата информира дека во  пожарот била зафетена и една бандера, сопственост на ЕВН.

За пожарот полицијата била информирана во 3.20 часот денеска.

Извршен е увид на местото. Полицијата не соопшти која била причината за пожарот и кој го предизвикал.