ТРИ ДЕНА ИМАВ СТРАШНО ПРЕТЧУВСТВО, САКАВ ДА ОЗДРАВИ Потресна исповед на синот на Аки

Во малата сала „Ватрослав Лисински“ денеска во 11 часот се одржа комеморација за Аки Рахимовски, кој почина на 22 јануари на 68-годишна возраст во Ново Место, Словенија. Со трогателни говори неговите пријатели и соработници се простија од пејачот кој од 1975 година беше пејачот на „Парни ваљак“.

Синот на Аки, Кристијан Кики Рахимовски, пред комеморацијата изјавил дека најважната лекција за музичката кариера ја добил од татко му, а тоа е дека секогаш да пее од срце и ветил дека секогаш ќе се држи до тие мисли во својата кариера.

– Три дена претходно имав страшно претчувство… Се слушавме секој ден. Толку силно сакав да се врати, повторно да застане на сцената затоа што знаев дека тој умира без сцената. Сакав да оздрави. Тато ми беше огромна поддршка, горд на мене. Не зборувавме премногу за тоа, но си ги пуштавме нашите песни еден на друг и ги коментиравме. Тоа ни беше доволно, комуникација преку музика која беше чиста љубов – изјавил потоа за хрватски „Стори“.

Сите кои го познаваа Аки се согласуваат дека енергијата и радоста што ги покажуваше на сцената за време на настапот секогаш беа присутни и кога ќе се изгасеа светлата на сцената и кога беше опкружен со своите најблиски и пријатели и секогаш беше подготвен да помогне секому.

– Не ме слушаше, но и тој мене 100 пати истата работа ми ја кажуваше, па плачевме еден по друг. Тој се грижеше за мене, јас се грижев за него. Јас сум негова крв, што да правам … Размислувам за сѐ. Кога ќе се случи вакво нешто, малку појасно гледате некои работи кои можеби биле тука во маглата… Да, треба да се дадеме до крај за да биде подобро за сите нас. Татко ми би му помогнал на куче на улица, на човек што не го ни познава… – рекол Кики.