ТРАГЕДИЈА НА ПАТОТ КИЧЕВО-ОХРИД Уште еден живот загубен во сообраќајна несреќа

Во СВР Охрид рано утринава околу 02:30 пријавено е дека на магистралниот пат Охрид-Кичево, помеѓу селата Климештани и Ботун, општина Дебарца, случена е сообраќајна несреќа.

Во несреќата учествувале автомобил „БМВ“ со струшки регистарски ознаки, управуван од М.М.(21) од Струга и патничко возило „Ауди“ со охридски регистарски ознаки, управувано од Ѓ.Д.(62) од селото Ботун.

-Од здобиените повреди на местото починал Ѓ.Д., а М.М. се здобил со телесни повреди, констатирани во Општа болница Охрид – велат од СВР Охрид.

Увид на местото на настанот извршиле екипа на СВР Охрид и Јавен обвинител, по чија наредба врз телото на починатиот ќе биде извршена обдукција.

Инаку, од МВР информираат и дека две лица се тешко повредени откако автомобил излетал од автопатот Скопје-Велес, кај надвозникот што води кон с. Бадар.