Терористички напад во Ница? Тројца мртви, обезглавена жена! Доаѓа и Макрон (ВИДЕО)

Француската полиција го уапси напаѓачот за кој се сомнева дека убил три лица со нож во Ница, од кои на една жена и ја отсекол главата, пренесуваат француските медиуми.

Тој исто така повредил неколку лица во близина на црквата. Нападот се случил во близина на катедралата Нотр Дам.

Les pompiers en alerte avenue Notre-Dame. Au bout, l’église #nice06 #AttentaNice pic.twitter.com/5whIKn4t4n

— Grégory Leclerc (@GregLeclerc) October 29, 2020

Францускиот министер за внатрешни работи Герал Дарманен изјави дека полициската акција е во тек во Ница, пренесува „Ројтерс“.

Градоначалникот на Ница, Кристијан Естроси, на Твитер изјави дека верува дека станува збор за терористички напад, како и дека напаѓачот извикувал „Алаху Акбар“ пред нападот.

Sur le côté de l’église Notre-Dame des riverains tentent de passer #AttentatNice pic.twitter.com/Bze1tCqXSk

— Grégory Leclerc (@GregLeclerc) October 29, 2020

– Осомничениот напаѓач беше ранет од полицијата за време на апсењето. Тој е жив и е на пат кон болница – изјави Естроси пред новинарите.

Тој рече дека убиената жена се обидела да избега од црквата и дека сакала да влезе во барот преку улицата од зградата.

Je suis sur place avec la @PoliceNat06 et la @pmdenice qui a interpellé l’auteur de l’attaque. Je confirme que tout laisse supposer à un attentat terroriste au sein de la basilique Notre-Dame de #Nice06. pic.twitter.com/VmpDqRwzB1

— Christian Estrosi (@cestrosi) October 29, 2020

– Што е многу, многу е – рече градоначалникот и додаде дека е време Франција дефинитивно „да го исфрли исламо-фашизмот од нејзината територија“.

Градоначалникот на Ница веднаш излезе на местото на настанот, а во Ница замина и францускиот претседател Емануел Макрон.

Истрагата за убиството со терористичка намера ја презеде париското обвинителство за борба против тероризмот.

Денешниот напад се случи непосредно откако еден човек со чеченско потекло го обезглави францускиот професор Самуел Пати во Париз.