Полицијата го пронајде 22-годишниот штипјанец кој со автомобил „опел“ без регистарски таблички дрифтал низ Штип, откако снимка од неговото опасно возење се појавила на социјалните мрежи. Проверките откриле уште еден прекршок – младиот возач воопшто немал стекнато право да управува со автомобил.

Снимката била објавена на 12 октомври, а два дена подоцна полициските службеници од СВР Штип го идентификувале возачот.

„По преземени мерки и активности, а во врска со видео објавено на 12.10.2026 година на социјалните мрежи, на 14.10.2026 година во Штип, полициски службеници од СВР Штип го пронајдоа и извршија службен разговор со С.К. (22) од Штип“, соопшти Министерството за внатрешни работи.

На видеото се гледа како возачот намерно предизвикува пролизгување на автомобилот, односно изведува маневри познати како дрифтање.

За случајот е известен јавен обвинител, а полицијата најави дека по целосното документирање ќе поднесе соодветна пријава.

The post 📽️ „СЛАВНИОТ ДРИФТАЧ“ ОД ШТИП ПАДНА ВО РАЦЕТЕ НА ПОЛИЦИЈАТА Без таблички и без дозвола правел опасни маневри appeared first on plusinfo.mk.

Апликацијата „м. Услуги“ е во завршна фаза и официјално ќе биде промовирана на 28 октомври. Граѓаните ќе можат бесплатно да ја преземат и да пристапат до своите лични документи, и без обврска да ја користат, најави министерот за дигитална трансформација Стефан Андоновски.

Новата апликација претставува прв чекор кон воведување дигитален паричник во Македонија, а според министерот, веќе се наоѓа во завршна фаза на тестирање.

– Ова е првиот чекор кон дигитален паричник. Бесплатна е за користење и за симнување. Не е задолжителна, не мора секој да ја симне, но ќе нуди низа погодности што граѓаните и досега требаше да ги користат како алатки и апликации – изјави Андоновски во Дневникот на Македонската телевизија.

Тој објасни дека апликацијата ќе овозможи едноставен пристап до личните податоци и документи преку мобилен телефон.

– Разговараме со „Гугл плеј“ и со „Епл“. Ќе биде достапна за сите корисници на мобилни уреди во Македонија. Со едноставно внесување на личните податоци, од „Услуги.мк“ ќе се повлечат податоците, а со внесување на бројот на личната карта ќе се повлече и личната карта. Целосно безбедна апликација – појасни Андоновски.

Министерот уверува дека апликацијата ќе биде лесна за користење и дека граѓаните сами ќе одлучуваат дали сакаат да ја инсталираат.

Со нејзиното воведување, личните документи ќе добијат и дигитална форма достапна преку мобилен телефон. Засега не е прецизирано во кои ситуации електронските документи ќе можат да се користат како замена за физичките.

Андоновски во интервјуто се осврна и на најавеното воведување роаминг по домашни цени за македонските граѓани во земјите од Европската Унија.

Тој соопшти дека Македонија веќе го добила предлог-текстот на договорот, кој е доставен до надлежните институции за разгледување.

– Го добивме предлог-текстот на договорот пред неколку дена. Веќе го споделивме со колегите од неколку министерства да дадат свое мислење и од овој момент официјално почнуваат преговорите врз основа на текстот – рече Андоновски.

Институциите имаат рок до крајот на неделата да ги достават своите забелешки, по што Македонија ќе ги испрати своите предлози до Европската комисија.

– Очекувам тоа да се интензивира во текот на есента и да го имаме договорот на почетокот на 2027 година – изјави министерот.

Договорот за роаминг сè уште не е постигнат, а неговото финализирање се очекува во наредните месеци.

The post ЛИЧНА КАРТА И ВОЗАЧКА ДОЗВОЛА НА МОБИЛЕН ОД 28 ОКТОМВРИ Договор за роаминг со ЕУ е можен на почетокот на 2027 година appeared first on plusinfo.mk.

Седумнаесетгодишник од Скопје тешко се повредил откако паднал со мопед на булеварот Србија. Претходно не застанал на знак за запирање даден од полицијата.

Несреќата била пријавена на 28 август, околу 2.30 часот. Малолетникот претходно се движел по булеварот Борис Трајковски.

Полициски службеници му дале знак да запре, но тој не застанал. Подоцна, управувајќи го мопедот на булеварот Србија, паднал.

Малолетникот се здобил со тешки телесни повреди. Повредите биле констатирани во Ургентниот центар при комплексот клиники Мајка Тереза во Скопје.

Полицијата извршила увид и утврдила дека 17-годишникот немал возачка дозвола. Мопедот што го управувал не бил регистриран.

По документирањето на случајот ќе бидат поднесени соодветни поднесоци.

The post НЕ ЗАСТАНАЛ НА ПОЛИЦИСКИ ЗНАК, ПА ПАДНАЛ СО МОПЕД 17-годишник е тешко повреден во Скопје appeared first on plusinfo.mk.

Петнаесет лица, меѓу кои и пет малолетници, биле приведени во текот на изминатото деноноќие поради безобѕирно управување со моторно возило, соопшти Министерството за внатрешни работи.

Полициските акции биле спроведени на целата територија на државата, а против сите приведени ќе бидат преземени мерки поради сомнение за сторено кривично дело „безобѕирно управување со моторно возило“ од член 297-а од Кривичниот законик.

Според информациите од МВР, сите 15 лица управувале возило без да поседуваат возачка дозвола, а петмина од нив се малолетници.

The post МВР ПРИВЕДЕ 15 ВОЗАЧИ Петмина од нив се малолетници и возеле без дозвола appeared first on plusinfo.mk.

Од неодамна во Италија не се признаваат македонските возачки дозволи и покрај тоа што веќе постои договор за меѓусебно признавање и замена на дозволите. Истовремено и македонските државјани со постојан престој во Италија веќе не можат да ја заменат македонската со италијанска возачка и мораат да полагаат одново.

Според она што го кажуваат граѓаните кои деновиве се обиделе да изнајмат автомобил со македонска дозвола, италијанските рентакар компании им кажале дека од пред неколку месеци  добиле налог да не изнајмуваат автомобили ако возачката на корисникот не е од ЕУ  и дека овие граѓани треба да поседуваат меѓународна возачка дозвола за да изнајмат возило.

Ова се потврдува и на веб сајтот на МВР каде што стои дека земјава има договор со Италија, но „во моментов во Република Италија не е возможна замена на возачки дозволи со Република Северна Македонија, се работи на решавање на таа состојба“.

Проблемот според она што се знае досега е во техничката некомпатибилност меѓу двата модела на возачки дозволи, бидејќи од македонска страна биле додадени дополнителни категории, кои ги нема во европската возачка дозвола.

Поради ова, италијанските власти инсистирале да се склучи нов договор што повлекува комплетно повторување на целата постапка за признавање на документот.

Од Министерството за надворешни работи, а некои медиуми  велат дека во тек се финалните усогласувања на Договорот за признавање на возачките дозволи меѓу двете држави, кои треба да бидат завршени од италијанска страна.

The post ИТАЛИЈА ВЕЌЕ НЕ ГИ ПРИЗНАВА МАКЕДОНСКИТЕ ВОЗАЧКИ ДОЗВОЛИ Одговорните велат дека се работи на решавање на проблемот appeared first on plusinfo.mk.

Во текот на изминатите 24 часа, полициски службеници на територијата на целата држава лишиле од слобода 13 возачи поради безобѕирно управување со моторно возило, соопшти Министерството за внатрешни работи.

Од МВР информираат дека најголемиот дел од приведените, односно 10 лица, управувале возила без воопшто да имаат положен возачки испит.

„Четири лица се приведени во Скопје, три во Прилеп, а по едно лице во Тетово, Долнени и Градско. Дополнително, по едно лице во Охрид и Битола било затекнато како управува возило под дејство на алкохол, додека во гевгелискиот регион едно лице е лишено од слобода поради возење со брзина значително поголема од дозволената“, соопштија од МВР.

Од Министерството додаваат дека по целосното документирање на сите случаи ќе бидат поднесени соодветни кривични пријави против приведените.

Воедно, МВР повторно апелира до сите учесници во сообраќајот да ги почитуваат сообраќајните правила и прописи.

The post ВОЗЕЛЕ БЕЗ ВОЗАЧКА, ПИЈАНИ И ПРЕБРЗИ Во еден ден приведени 13 несовесни возачи appeared first on plusinfo.mk.

Дури 13 возачи биле лишени од слобода во текот на изминатото деноноќие поради безобѕирно управување со моторни возила, при што 11 од нив возеле без возачка дозвола, а меѓу нив имало и тројца малолетници, информира Министерството за внатрешни работи.

Полициските контроли биле спроведени на целата територија на државата, а против сите приведени ќе бидат поднесени соодветни кривични пријави по целосното документирање на случаите.

Според МВР, четири лица биле приведени во Скопје, три во Гостивар, меѓу кои двајца малолетници, како и по едно лице во Тетово, Прилеп и Дебар.

Во Кочани, пак, бил приведен малолетник кој управувал возило без возачка дозвола и се движел во спротивен правец по еднонасочна улица.

Освен возачите без дозвола, во Скопје бил приведен и еден возач кој управувал возило под дејство на алкохол.

Во Гостивар, полицијата лишила од слобода уште едно лице кое управувало моторно возило иако имало активна мерка за забрана за управување.

Од Министерството за внатрешни работи апелираат граѓаните строго да ги почитуваат сообраќајните правила и прописи, да не управуваат возило без положен возачки испит, со изречена забрана за управување или под дејство на алкохол, со цел да се зголеми безбедноста во сообраќајот.

The post ВОЗЕЛЕ БЕЗ ДОЗВОЛА И ВО СПРОТИВНА НАСОКА Приведени 13 возачи, меѓу нив и тројца малолетници appeared first on plusinfo.mk.

Шестмина возачи се лишени од слобода во текот на изминатото деноноќие поради безобѕирно управување со возило, а петмина од нив возеле без возачка дозвола, меѓу кои и двајца малолетници, соопшти Министерството за внатрешни работи.

Од МВР информираат дека полициски службеници на целата територија на државата привеле шест лица кои сториле тешки сообраќајни прекршоци.

„Во текот на изминатото деноноќие на целата територија на државата, полициските службеници лишија од слобода шест возачи за безобѕирно управување со возило. Петмина управувале возило без возачка дозвола, од кои двајца се малолетници, а едно лице управувало патничко возило иако имало активна забрана за управување“, соопштија од МВР.

Според полицијата, без возачка дозвола биле затекнати по едно лице во Скопје (малолетник), Гостивар (малолетник), Куманово, Кавадарци и Прилеп, додека на граничниот премин „Деве Баир“ било приведено лице кое управувало возило и покрај изречената активна забрана.

Од МВР посочуваат дека по целосното документирање на случаите против сите ќе бидат поднесени соодветни кривични пријави.

Воедно, Министерството повторно апелира до сите учесници во сообраќајот доследно да ги почитуваат сообраќајните правила и прописи со цел зголемување на безбедноста на патиштата.

The post ПРИВЕДЕНИ ШЕСТ ВОЗАЧИ, МЕЃУ НИВ И ДВАЈЦА МАЛОЛЕТНИЦИ Полицијата не им простува на безобѕирните appeared first on plusinfo.mk.

Маж од Гостивар пријавил во полиција дека бил измамен за 1.200 евра, откако му било ветено дека ќе добие возачка дозвола без да полага.

Според информациите од Министерството за внатрешни работи, 43-годишниот гостиварец случајот го пријавил вчера во Полициската станица Гостивар.

Како што навел во пријавата, пред околу четири месеци, преку свој пријател стапил во контакт со лице од Скопје. На средба во главниот град, осомничениот му ветил дека ќе му обезбеди возачка дозвола без да полага испит, за што побарал 1.300 евра и копија од личната карта.

Во следниот период, оштетениот во неколку наврати му исплатил вкупно 1.200 евра. Бидејќи ветената возачка дозвола никогаш не ја добил, сфатил дека станува збор за измама и случајот го пријавил во полиција.

Од МВР информираат дека се преземаат мерки за целосно расчистување на случајот.

The post МУ ВЕТУВАЛ ВОЗАЧКА БЕЗ ПОЛАГАЊЕ, ГО „ЗАКРПИЛ“ ЗА 1.200 ЕВРА Скопјанец измамил Гостиварец appeared first on plusinfo.mk.

Двајца млади скопјани се уапсени откако полицијата во нивното возило пронашла околу 90 пратки со разновидна стока без соодветна документација, информира МВР на својот профил на Фејсбук.

Акцијата била спроведена во понеделникот вечерта околу 22:50 часот на улицата „Јадранска магистрала“ во Скопје, каде полициски службеници извршиле контрола на автомобил „форд“ со скопски регистарски ознаки.

Зад воланот бил М.И. (19) од Скопје, а при прегледот на возилото биле пронајдени околу 90 пратки со различни производи, спакувани во црни кеси. Според полицијата, за стоката не била приложена соодветна документација.

При контролата било утврдено и дека возачот немал важечка возачка дозвола од Б-категорија.

Во возилото бил затекнат и сопственикот на автомобилот, Е.Ш. (20) од Скопје, по што двајцата биле уапсени и задржани во полициска станица за понатамошна постапка.

Против 19-годишниот возач ќе биде поднесена кривична пријава поради управување моторно возило без важечка возачка дозвола.

The post ФАТЕНИ СО 90 ПАКЕТИ РАЗНА СТОКА БЕЗ ДОКУМЕНТАЦИЈА Уапсени двајца млади скопјани appeared first on plusinfo.mk.