Со дури 244 километри на час се движел 21-годишен возач од Батинци на автопатот Скопје-Гевгелија, каде што максимално дозволената брзина е 120 километри на час, објави МВР.

Поради екстремното пречекорување на брзината, полицијата го лишила од слобода, а возилото му било одземено по наредба на обвинител.

Според МВР, случајот бил откриен на 13 јуни околу 20 часот кај селото Милетково, во близина на Гевгелија.

„Полициски службеници констатирале дека И.Р.(21) од село Батинци управувал патничко возило „БМВ“ со скопски регистарски ознаки со брзина од 244 километри на час на место каде што ограничувањето е 120 километри на час“, соопшти МВР.

Против возачот ќе биде поднесена кривична пријава за безобѕирно управување со моторно возило.

Брзината од 244 километри на час е една од највисоките регистрирани на македонските патишта во последниот период. Со таква брзина, возилото се движи со речиси 68 метри во секунда, што значително го намалува времето за реакција и го зголемува ризикот од тешки сообраќајни последици.

Во текот на изминатото деноноќие на целата територија на државата, полициските службеници лишија од слобода 17 возачи кои управувале возило без возачка дозвола, од кои четворица малолетници, а двајца биле и под дејство на алкохол.

The post ПРОШИШАЛ КАЈ МИЛЕТКОВО СО 244 КИЛОМЕТРИ НА ЧАС! Една од највисоките брзини измерени на македонските патишта appeared first on plusinfo.mk.

Во текот на изминатото деноноќие на целата територија на државата, лишени од слобода се 18 возачи за безобѕирно управување возило, 12 возеле без дозвола, од кои пет малолетници, четворица под дејство на алкохол и двајца возеле без дозвола и под дејство на алкохол.

Во Скопје две малолетни лица управувале возило без возачка дозвола, шестмина во Кичево (тројца малолетници), двајца во Велес и по еден во Струга и Прилеп. По едно лице во Делчево, Свети Николе, Велес и Прилеп управувале возило под дејство на алкохол и по едно лице во Радовиш и Гостивар управувале возило без возачка дозвола и под дејство на алкохол.

Полицијата апелира до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесат за побезбеден сообраќај.

The post ВОЗАТ ПИЈАНИ И БЕЗ ДОЗВОЛА Лишени од слобода 18 возачи за безобѕирно управување appeared first on plusinfo.mk.

49-годишен возач од кумановско бил приведен откако полицијата утврдила дека управувал автомобил со дури 3,67 промили алкохол во крвта.

Според информациите од Министерството за внатрешни работи, инцидентот се случил на булеварот Октомвриска револуција во Куманово. Полициски службеници запреле патничко возило „фиат“ со кумановски регистарски ознаки, управувано од 49-годишник од селото Режановце.

При контролата било утврдено дека возачот е под силно дејство на алкохол, односно има 3,67 промили алкохол во крвта. Тој веднаш бил исклучен од сообраќај и задржан во полициска станица.

По целосно расчистување на случајот, против него ќе биде поднесена кривична пријава за безобѕирно управување со моторно возило.

The post ВОЗЕЛ СО ЕКСТРЕМНО МНОГУ АЛКОХОЛ Приведен возач со 3,67 промили во Куманово appeared first on plusinfo.mk.

Дури 91 сообраќаен прекршок биле констатирани вчера во засилена полициска акција во неколку скопски општини. Контролите се спроведувале во Центар, Аеродром, Бит Пазар и Чаир, каде на удар биле возачите на мотоцикли, велосипеди со помошен мотор, трицикли и четирицикли.

Од вкупниот број санкции, седум се кривични пријави за безобѕирно управување со моторно возило. Во шест случаи станува збор за возење без возачка дозвола, а во еден за управување под дејство на алкохол со над 1,50 промили. Три од кривичните пријави се поднесени против малолетници.

Полицијата изрекла и 17 мерки за управување возило во несоодветна категорија, како и 13 санкции за возачи на велосипеди со помошен мотор кои немале соодветна потврда. Најголем дел од прекршоците – дури 43 – се однесуваат на возење без заштитна кацига.

Дополнително, санкционирани биле три нерегистрирани мотоцикли, еден возач бил казнет за возење под дејство на алкохол, а уште седум мерки биле изречени за други прекршоци.

Во текот на акцијата бил одземен еден мотоцикл поради безобѕирно управување, а привремено биле одземени уште два мотоцикли кои биле нерегистрирани подолго од шест месеци.

Од полицијата најавуваат дека ваквите засилени контроли ќе продолжат и во наредниот период со цел зголемување на безбедноста на улиците.

The post МОТОРЏИИТЕ НА УДАР НА СКОПСКАТА ПОЛИЦИЈА Казни за 91 возач, одземени неколку мотоцикли appeared first on plusinfo.mk.

Во акциска контрола спроведена утрово во Гостивар, полицијата изрече 59 санкции за сообраќајни прекршоци и одзеде пет возила, информираше Министерство за внатрешни работи.

Контролата ја реализирала Мобилната единица за безбедност на сообраќајот на патиштата во периодот од 07:00 до 13:00 часот на подрачјето на СВР Тетово – ОВР Гостивар, со цел санкционирање на возачи кои не ги почитуваат сообраќајните правила.

Според полицијата, изречени се:

– 6 мерки за измината важност на сообраќајна дозвола

– 6 мерки за превоз на повеќе патници од дозволеното во автобуси, минибуси и такси возила

– 1 мерка за неизвршен вонреден технички преглед на автобус

– 9 мерки за јавен превоз без лекарско уверение

– 10 мерки за товарни возила (претовар, вонреден превоз и некористење церада)

– 6 мерки за непоседување задолжителна опрема

– 6 мерки за други прекршоци

Поднесени се и 15 барања за поведување прекршочна постапка против правни и одговорни лица.

Едно лице е лишено од слобода поради сторено кривично дело „безобѕирно управување со моторно возило“, односно управување без возачка дозвола.

Полицијата одзела и пет возила поради тоа што сообраќајната дозвола им била истечена повеќе од шест месеци.

Од МВР најавуваат дека засилените сообраќајни контроли ќе продолжат и во наредниот период.

The post ИЗРЕЧЕНИ 59 КАЗНИ, ОДЗЕМЕНИ 5 ВОЗИЛА Полицијата санкционираше десетици возачи во Гостивар appeared first on plusinfo.mk.

Дваесет и петгодишен жител на Берово бил уапсен ноќеска откако бил фатен како управува претходно украдено возило, пијан и без возачка дозвола.

Според информациите од полицијата, инцидентот се случил околу 01:15 часот на улицата Индустриска во Берово, кога полициски службеници се обиделе да го запрат возилото што го управувал Е.Џ. (25).

Наместо да застане, возачот се дал во бегство, но по преземени мерки бил сопрeн и лишен од слобода.

При проверката било утврдено дека автомобилот што го управувал бил претходно противправно одземено на подрачјето на Берово. Дополнително, алкотестирањето покажало 1,96 промили алкохол во крвта.

Полицијата констатирала и дека младиот возач немал важечка возачка дозвола.

За случајот бил известен јавен обвинител, а по целосно расчистување ќе биде поднесена соодветна пријава.

The post ВОЗЕЛ УКРАДЕНО ВОЗИЛО ПИЈАН И БЕЗ ДОЗВОЛА Уапсен млад беровчанец кој ѝ бегал на полицијата appeared first on plusinfo.mk.

Двајца возачи од Охрид се соочуваат со кривични пријави откако предизвикаа сообраќајна несреќа, иако имале изречени забрани за управување со возило, а едниот од нив возел и под дејство на алкохол, соопшти МВР.

Несреќата се случила на 4 февруари 2026 година околу 20:30 часот на улицата „АСНОМ“ во Охрид. Во судирот учествувале три патнички возила – „фолксваген амарок“, „ланчија“ и „мерцедес“, сите со охридски регистарски таблички.

„Фолксвагенот“ го управувал 24-годишниот В.В.М. од Охрид, „ланчијата“ 37-годишниот Ј.П., исто така од Охрид, додека „мерцедесот“ го возел П.Н. (35).

По извршените полициски проверки било утврдено дека В.В.М. возел под дејство на алкохол, при што алкотестот покажал 0,71 промили алкохол во крвта. Дополнително, тој имал дури три активни забрани за управување со моторно возило од „Б“ категорија. И кај Ј.П. било констатирано дека има една забрана за возење од истата категорија.

За случајот бил известен јавен обвинител, по чии насоки полицијата ги одзела возилата на В.В.М. и Ј.П. По целосно документирање на настанот, против двајцата ќе бидат поднесени соодветни кривични пријави за „безобѕирно управување со возило“, по член 297-а од Кривичниот законик.

The post ПОЛИЦИЈАТА ОДЗЕДЕ ДВЕ ВОЗИЛА ОД ДВАЈЦА ВОЗАЧИ ОД ОХРИД Предизвикаа сообраќајка иако имале забрана за возење appeared first on plusinfo.mk.

Полицијата ноќеска приведе 47-годишен возач од тетовското село Камењане, кој возел во спротивна насока и бил под дејство на алкохол.

Инцидентот се случил околу 00:15 часот на улицата Благоја Тоска во Тетово, кога полициски службеници запреле патничко возило „хјундаи“ со тетовски регистарски ознаки. Зад воланот бил Д.М. (47), кој се движел спротивно од дозволената насока на коловозната лента.

При контролата, кај возачот било утврдено присуство на 1,57 промили алкохол во крвта. Тој веднаш бил исклучен од сообраќај и задржан во полициска станица.

По целосно расчистување на случајот, против него ќе биде поднесена кривична пријава за „безобѕирно управување со моторно возило“, дело предвидено во Кривичниот законик.

The post ВОЗЕЛ ПИЈАН И ВО СПРОТИВНА НАСОКА ВО ТЕТОВО Возач со 1,57 промили заврши во полициска станица appeared first on plusinfo.mk.

Пијан, со 3,32 промили алкохол во крвта, 43-годишен кавадарчанец управувал „застава 101“ и учествувал во сообраќајна несреќа во селото Пепелиште кај Неготино. Инцидентот се случил синоќа околу 19:20 часот, кога полициски службеници од ОВР Неготино го лишиле од слобода С.Ф., потврдија од Секторот за внатрешни работи Велес, јави СВР Велес.

„При преземање на мерки во врска со сообраќајна несреќа во која С.Ф. учествувал со патничко возило ‘застава 101’ со неготински регистарски ознаки, било утврдено дека С.Ф. го управувал возилото под дејство на алкохол, односно му биле измерени 3,32 промили алкохол во крвта“, наведуваат од СВР Велес.

Меѓутоа, поради високото ниво на алкохол, С.Ф. бил веднаш приведен во полициска станица, а за случајот бил известен јавен обвинител. По документирањето на настанот, против него ќе биде поднесена кривична пријава за „безобѕирно управување со моторно возило“ согласно член 297-а од Кривичниот законик

The post МОРТУС ПИЈАН НАПРАВИЛ СООБРАЌАЈКА СО „101“ ВО ПЕПЕЛИШТЕ Кавадарчанец заработи пријава за безобѕирно возење appeared first on plusinfo.mk.

Полицијата приведе 64-годишен маж од Злетово кој во алкохолизирана состојба управувал возило и излетал од коловозот на регионалниот пат село Лесново – Злетово.

Како што информира Министерството за внатрешни работи, инцидентот се случил на 2 јули околу 20 часот. Полициски службеници од ОВР Пробиштип го лишиле од слобода В.Ј. (64) откако со патничко возило шевролет спарк изгубил контрола и излетал надвор од патот.

„При извршениот увид било утврдено дека возачот бил под дејство на алкохол. Со алкотест му биле измерени 1.81 промили алкохол во крвта“, информираат од МВР.

Полицијата информира дека во незгодата нема повредени лица. По целосно документирање на случајот, против возачот ќе биде поднесена кривична пријава по член 297-а од Кривичниот законик – „безобѕирно управување со моторно возило“.

The post ВОЗЕЛ ПИЈАН И ИЗЛЕТАЛ ОД ПАТОТ Злетовец фатен со речиси 2 промили, полицијата го приведе appeared first on plusinfo.mk.