За само шест часа, во акциска контрола на територијата на целата држава, полицијата регистрирала 825 прекршоци за пречекорување на дозволената брзина. Речиси половина од нив биле констатирани надвор од населените места, каде што поголемата брзина може да ги направи последиците од сообраќајните несреќи уште потешки.

Контролата ја спровел Секторот за сообраќајни работи при Министерството за внатрешни работи на 23 октомври, од 10 до 16 часот.

Од вкупниот број прекршоци, 398 се однесуваат на возачи кои ја пречекориле дозволената брзина во населено место, додека 427 прекршоци биле регистрирани надвор од населено место.

Но, брзото возење не било единствениот проблем. Во текот на контролата биле евидентирани и два случаи на кривичното дело „безобѕирно управување со моторно возило“, предвидено во членот 297-а од Кривичниот законик. Полицијата констатирала и дополнителни 89 прекршоци од друг вид.

„За сите утврдени прекршоци биле преземени соодветни законски мерки“, соопшти МВР.

Бројките од оваа контрола повторно го отвораат прашањето колку возачите ги почитуваат ограничувањата на брзината и колку е сериозно сфатена личната одговорност зад воланот. Сообраќајните правила не се формалност, туку граница меѓу безбедно пристигнување и ризик од трагични последици.

Од МВР најавуваат дека ќе продолжат со акциските контроли и апелираат до сите учесници во сообраќајот да возат внимателно, да ја приспособат брзината кон условите на патот и да ги почитуваат сообраќајните правила и прописи.

The post 825 ПРЕКРШОЦИ ЗА САМО ШЕСТ ЧАСА Полицијата фати стотици возачи што брзале appeared first on plusinfo.mk.

Возач на „Ролс-Ројс“ со тетовски регистарски ознаки е лишен од слобода откако бил фатен како вози со 194 километри на час на автопатот Тетово – Гостивар, на делница каде што максималната дозволена брзина е 80 километри на час.

Според информациите од Министерството за внатрешни работи, прекршокот бил регистриран денеска, на 23 октомври, во 12:05 часот, од полициски службеници на Мобилната единица за безбедност на сообраќајот на патиштата, кои користеле специјално полициско возило – пресретнувач.

Возачот Б. М. (44) од Гостивар бил лишен од слобода поради сомнение за сторено кривично дело „безобѕирно управување со моторно возило“, предвидено во член 297-а од Кривичниот законик.

Од МВР информираат дека се преземени соодветни мерки и активности и дека против возачот ќе биде поведена постапка согласно законот.

Министерството најавува продолжување на засилените сообраќајни контроли низ државата, вклучително и со употреба на полициски пресретнувачи, со цел откривање и санкционирање на возачите што ги прекршуваат сообраќајните правила.

The post 📽️ СО „РОЛС-РОЈС“ ВОЗЕЛ 194 КМ/Ч КАДЕ ШТО Е ДОЗВОЛЕНО 80 КМ/Ч Полицијата приведе гостиварец кој „леташе“ на автопатот Тетово – Гостивар appeared first on plusinfo.mk.

Полициски службеник од Полициската станица Драчево возел автомобил без положен возачки испит, со истечена сообраќајна дозвола. Против него кривична пријава поднела внатрешната контрола на Министерството за внатрешни работи (МВР).

Станува збор за полицаецот Ш.А., кој на 1 октомври управувал автомобил надвор од работното време.

Според МВР, возилото било со истечен рок на важност на сообраќајната дозвола, а полицаецот воопшто немал положено возачки испит.

Внатрешната контрола утврдила и дека тој не ги почитувал прописите за безбедност во сообраќајот.

Против Ш.А. е поднесена кривична пријава до Основното јавно обвинителство поради сомнение за „безобѕирно управување со моторно возило“, според член 297-а од Кривичниот законик.

Одделот за внатрешна контрола поднел и предлог за поведување постапка за утврдување одговорност поради кршење на работниот ред и дисциплина.

The post ПОЛИЦАЕЦ ЗАД ВОЛАН БЕЗ ПОЛОЖЕН ВОЗАЧКИ ИСПИТ Внатрешната контрола открила уште еден прекршок appeared first on plusinfo.mk.

34-годишен црногорски државјанин бил лишен од слобода на граничниот премин Табановце, откако системот „Безбеден град“ регистрирал дека возел со 185 километри на час на делница од автопатот Скопје – Табановце, каде што максимално дозволената брзина е 100 километри на час.

М.Н. бил запрен на 14 октомври во 14:25 часот, при излез од државата, кога полициските службеници при проверка на неговото возило „БМВ“ со црногорски регистарски ознаки утврдиле дека е евидентиран за кривично дело „безобѕирно управување со моторно возило“, предвидено во член 297-а од Кривичниот законик.

Прекршувањето било регистрирано на автопатот Скопје – Граничен премин Табановце, во близина на клучката Дељадровци. Возачот се движел со брзина од 185 километри на час, односно 85 километри на час над дозволената.

По лишувањето од слобода, 34-годишникот бил спроведен во полициска станица. По целосното документирање на случајот, против него ќе биде поднесена соодветна кривична пријава.

The post ЦРНОГОРЕЦ ЛЕТАЛ КОН ТАБАНОВЦЕ СО 185 КМ/Ч Камерите го евидентирале, а полицијата го приведен на граница appeared first on plusinfo.mk.

Малолетен пешак од Скопје е тешко повреден во сообраќајна незгода што попладнево се случила на улицата Славеј Планина во Скопје.

Незгодата се случила околу 16 часот, кога се судриле автомобил „Ауди“ со скопски регистарски ознаки, управуван од 25-годишниот Б.С., и малолетниот пешак.

Детето било повредено и со возило на Брза помош било пренесено во Ургентниот центар „Мајка Тереза“. Таму лекарите констатирале тешки телесни повреди.

За случајот бил известен јавен обвинител, а по негови насоки возилото било одземено поради сомнение за сторено кривично дело „безобѕирно управување со моторно возило“ од член 297-а од Кривичниот законик.

По целосното документирање на случајот, против возачот Б.С. ќе биде поднесена соодветна кривична пријава.

The post ТЕШКО ПОВРЕДЕНО ДЕТЕ ПО СУДИР СО АУДИ Возилото е одземено по насока на обвинител appeared first on plusinfo.mk.

Дваесет и еден возач биле лишени од слобода во текот на изминатото деноноќие на различни локации во државата поради сомнение за „безобѕирно управување возило“, информира Министерството за внатрешни работи. Со уште едно лице бил извршен службен разговор поради управување мопед без возачка дозвола.

Од 21 лишен од слобода, 11 возеле без положен возачки испит, додека 10 управувале под дејство на алкохол.

Без положен возачки испит возеле Н.М. (41) од Сарај, А.Р. (25) од Батинци, Х.Ш. (35) од Неготино, гостиварско, 16-годишник од Видуше, Општина Маврово и Ростуше, А.С. (31) од Ковач, Македонски Брод, А.Д. (32) од Корошишта, Струга, Ќ.С. (62) од Градско, како и Е.Ј. (27), Е.Д. (43) и Н.Ј. (22) од Скопје. Кај Н.Ј. е утврдено и возење со брзина поголема од дозволената.

Под дејство на алкохол биле затекнати Д.Д. (39) од Кумановско, С.К. (40) од Ињево, Радовишко, Г.И. (31) од Дулица, Македонска Каменица, О.В. (27) од Македонска Каменица, М.У. (44) од Кичево, Д.М. (24) од Брвеница, Тетовско, З.С. (54) од Скопје, Н.З. (64) од Битола, А.Н. (46) од Прилеп и С.Ј. (66) од Селце, Прилепско.

Полицијата во Македонски Брод го затекнала и В.Д. (37) како управува патничко возило иако имал активна забрана за управување возило од категоријата Б.

Во Пробиштип, пак, во присуство на родител, бил извршен службен разговор со 16-годишник од Приковци, Кратовско, кој управувал мопед без возачка дозвола.

Од МВР велат дека по целосното документирање на случаите ќе бидат поднесени соодветни кривични пријави.

Полицијата повторно апелира до учесниците во сообраќајот да ги почитуваат правилата, да не управуваат возила без положен возачки испит, со активна забрана за управување или под дејство на алкохол.

The post 11 БЕЗ ПОЛОЖЕН ИСПИТ, 10 ПОД АЛКОХОЛ Полицијата лиши од слобода 21 возач appeared first on plusinfo.mk.

Дванаесет возачи биле лишени од слобода во изминатото деноноќие низ државата поради сомнение за сторено кривично дело „безобѕирно управување со возило“, соопшти Министерството за внатрешни работи.

Од МВР информираат дека седум од приведените возачи управувале без возачка дозвола, а меѓу нив имало и еден малолетник.

Уште еден возач бил фатен под дејство на алкохол, додека дополнително биле лишени од слобода уште тројца возачи кои управувале возило во алкохолизирана состојба.

Полицијата привела и двајца возачи кои управувале возило иако имале активна забрана за управување.

По целосното документирање на случаите, МВР најавува дека против возачите ќе бидат поднесени соодветни кривични пријави.

Од полицијата повторно апелираат до сите учесници во сообраќајот да ги почитуваат правилата и прописите и да не седнуваат зад волан без положен возачки испит, под дејство на алкохол или додека им трае забраната за управување.

„Со одговорно однесување сите заеднички придонесуваме за поголема безбедност во сообраќајот“, порачаа од МВР.

The post БЕЗ ДОЗВОЛА, ПИЈАНИ И СО ЗАБРАНА ЗА ВОЗЕЊЕ Од слобода се лишени 12 возачи, меѓу нив и малолетник appeared first on plusinfo.mk.

Во текот на изминатото деноноќие, полициски службеници на територијата на цела држава лишиле од слобода 14 лица поради сомнение за сторено кривично дело „безобѕирно управување со моторно возило“, согласно член 297-а од Кривичниот законик.

Од МВР информираат дека десет од лицата управувале возило без возачка дозвола, а меѓу нив имало и тројца малолетници.

Кај еден од возачите била пронајдена и бела прашкаста материја, додека три лица биле затекнати како управуваат возило под дејство на алкохол. Еден од нив учествувал и во сообраќајна незгода.

Полицијата лишила од слобода и лице кое управувало возило во спротивен правец на еднонасочна улица.

По целосното документирање на случаите, против сите лица ќе бидат поднесени соодветни кривични пријави.

Од МВР апелираат до сите учесници во сообраќајот доследно да ги почитуваат сообраќајните правила и прописи.

Особено се апелира да не се управува моторно возило без возачка дозвола, со изречена забрана за управување или под дејство на алкохол.

„Одговорното однесување во сообраќајот е заедничка обврска и клучен предуслов за поголема безбедност на сите граѓани“, велат од Министерството.

The post 14 ЛИЦА ЛИШЕНИ ОД СЛОБОДА ЗА БЕЗОБЅИРНО ВОЗЕЊЕ, МЕЃУ НИВ И ТРОЈЦА МАЛОЛЕТНИЦИ Еден возел во спротивен правец, тројца биле пијани appeared first on plusinfo.mk.

Петнаесет лица биле лишени од слобода во текот на изминатото деноноќие поради безобѕирно управување со моторно возило, информира Министерството за внатрешни работи.

Полициските службеници на територијата на целата држава ги лишиле од слобода лицата поради сомнение за сторено кривично дело „безобѕирно управување со моторно возило“ согласно член 297-а од Кривичниот законик.

Од вкупно 15 лица, десет управувале моторно возило без возачка дозвола. Меѓу нив имало и тројца малолетници.

Две лица биле затекнати како управуваат возило под дејство на алкохол, додека едно лице управувало возило и покрај активна забрана за управување.

Дополнително, две лица биле лишени од слобода затоа што истовремено управувале без возачка дозвола и под дејство на алкохол.

Од МВР информираат дека по целосното документирање на случаите против лицата ќе бидат поднесени соодветни кривични пријави.

Од Министерството повторно апелираат до сите учесници во сообраќајот доследно да ги почитуваат сообраќајните правила и прописи и да не управуваат моторно возило без возачка дозвола, со изречена забрана или под дејство на алкохол.

Одговорното однесување во сообраќајот, нагласуваат од МВР, е заедничка обврска и клучен предуслов за поголема безбедност на сите граѓани.

The post НЕМААТ ДОЗВОЛА, ИМААТ ЗАБРАНА, A НЕКОИ БИЛЕ И ПИЈАНИ Полицијата лиши 15 лица од слобода appeared first on plusinfo.mk.

Петнаесет лица, меѓу кои и пет малолетници, биле приведени во текот на изминатото деноноќие поради безобѕирно управување со моторно возило, соопшти Министерството за внатрешни работи.

Полициските акции биле спроведени на целата територија на државата, а против сите приведени ќе бидат преземени мерки поради сомнение за сторено кривично дело „безобѕирно управување со моторно возило“ од член 297-а од Кривичниот законик.

Според информациите од МВР, сите 15 лица управувале возило без да поседуваат возачка дозвола, а петмина од нив се малолетници.

The post МВР ПРИВЕДЕ 15 ВОЗАЧИ Петмина од нив се малолетници и возеле без дозвола appeared first on plusinfo.mk.