СЗО СО ПРЕДУПРЕДУВАЊЕ ПОРАДИ ЗАГРИЖЕНОСТ Огромен отпад од ковид-болниците го загрозува здравјето и околината
Заедниците во близина на лошо управувани депонии, исто така, може да бидат погодени од контаминиран воздух поради согорувањето на отпадот, слабиот квалитет на водата или паразити кои носат болести, се додава во предупредувањето.
Акумулираните фрлени шприцеви, искористените комплети за тестирање и шишињата со вакцини во пандемијата со ковид-19 создадоа десетици илјади тони медицински отпад што го загрозува здравјето на луѓето и животната средина, предупредува Светската здравствена организација.
Овој материјал, чиј дел може да биде заразен бидејќи коронавирусот може да преживее на површини, потенцијално ги изложува здравствените работници на ризик од изгореници, убоди од игла и болести кои се пренесуваат преку бактерии.
Заедниците во близина на лошо управувани депонии, исто така, може да бидат погодени од контаминиран воздух поради согорувањето на отпадот, слабиот квалитет на водата или паразити кои носат болести, се додава во предупредувањето.
Извештајот повикува на реформи и инвестиции, вклучително и намалување на употребата на амбалажата што предизвика пораст на пластиката и употреба на заштитна опрема направена од материјали за повеќекратна употреба и рециклирање.
Се проценува дека околу 87.000 тони лична заштитна опрема (ППЕ), или еквивалентна тежина на неколку стотици сини китови, се нарачани преку порталот на ОН од средината на 2021 година, а според информациите повеќето завршиле како отпад.
2.600 тони главно пластично ѓубре и доволно хемиски отпад за да се наполни третина од Олимписки базен
Во извештајот се споменуваат и околу 140 милиони тест комплети со потенцијал да се генерираат 2.600 тони главно пластично ѓубре и доволно хемиски отпад за да се наполни третина од Олимписки базен.
Дополнително, се проценува дека околу 8 милијарди дози вакцина администрирани на глобално ниво произвеле дополнителни 144.000 тони отпад во форма на стаклени шишиња, шприцови, игли и сигурносни кутии.
Извештајот на СЗО не дава конкретни примери за тоа каде се случила најголемата акумулација, туку се однесува на проблеми како што се ограниченото постапување и отстранување на отпадот во рурална Индија, како и големи количини фекална тиња од објектите за карантин во Мадагаскар.
Дури и пред пандемијата, околу една третина од здравствените установи не беа опремени за справување со постоечките количини отпад, соопшти СЗО. Тоа е дури 60 отсто во сиромашните земји, се вели во извештајот.