📽️ СУПЕРТАЈФУН ГИ РАЗНЕСЕ СТАКЛАТА НА ХОТЕЛ ВО ХОНГ КОНГ Речиси 2 милиони луѓе се евакуирани по стравичниот удар
Супертајфунот Рагаса е најсилниот во Јужното Кинеско Море од почетокот на годинава“, соопшти Хонгконшкиот опсерваториум. Постигнал постојани ветрови од 195 километри на час, а најблиску до градот поминал на околу 100 километри.
Вода од супертајфунот Рагаса влезе низ стаклата на хотелот „Кајман“ во Хонг Конг, носејќи мебел, гости и телевизори, јави АП Њуз. Најмалку 27 лица се мртви, стотици се повредени и 1,9 милиони се евакуирани. Снимката од стравичното поплавување брзо се прошири на социјалните мрежи.
Рагаса, еден од најсилните циклони кои ја зафати Азија последниве години, среде неделата го погоди југот на Кина и Хонг Конг, носејќи со себе бранови повисоки од уличната расвета. Во јужната провинција Гуангдонг, каде се наоѓа економското срце на Кина, евакуирани се 1,9 милиони луѓе.
Метеоролошката станица во Чуандао измерила налети на ветер од 241 километар на час – рекорд за оваа локација.
This happened at the Fullerton Hotel Ocean Park in Hong Kong a couple hours ago. I have never seen anything like this before.
I was up at 4 am taping my windows because water was just pouring in…
Ragasa is indeed a super Typhoon 🌀… pic.twitter.com/O59FJbGLsE
— Eric Yeung 👍🚀🌕 (@KingKong9888) September 24, 2025
„Тајфунот го погоди островот Хејлинг околу 17 часот по локално време, со ветришта од 144 километри на час“, соопшти државната телевизија на Кина.
Ветровите корнеле дрвја, оштетувале згради, а дождовите го претвориле воздухот во бела завеса. Во десетина градови затворени се училишта и фабрики. Некои возови во регионот Гуангси биле откажани. Властите издвоиле милиони долари за итна помош.
Super Typhoon Ragasa is expected to make landfall in China after bringing torrential rain and damaging winds to parts of Taiwan and the Philippines.
With evacuations underway, several schools and businesses were closed, and hundreds of flights were canceled in Hong Kong ahead of… pic.twitter.com/B1al5hosGo
— AccuWeather (@accuweather) September 24, 2025
Во Хонг Конг, жителите се разбудиле од тресок на кршење: излетани аспиратори, уривање на кровови, скршени кранови и пловни објекти залепени до брегот.
– Ѕидот само пукна, па вода се слеа како река низ рецепцијата – изјави сведок за локалната телевизија.
WATCH: Storm surge from Typhoon #Ragasa in Tseung Kwan O, a neighborhood in Hong Kong, China enters a restaurant & completely wipes it out. pic.twitter.com/MGcXPDbdTm
— StormHQ ☈ (@StormHQwx) September 24, 2025
Во болниците згрижени се 90 повредени. На улиците во Макао, познат по казината, се разлеале кал и стакло. Илјадници граѓани биле евакуирани со гумени чамци. Во некои делови била исклучена струјата.
„Супертајфунот Рагаса е најсилниот во Јужното Кинеско Море од почетокот на годинава“, соопшти Хонгконшкиот опсерваториум. Постигнал постојани ветрови од 195 километри на час, а најблиску до градот поминал на околу 100 километри. Олујите над 185 километри на час спаѓаат во категорија супертајфуни.
In bed, recovering from a brutal chase. My 82nd core penetration did not come easy, but it did come. Got into #Typhoon #RAGASA‘s eye on Hailing Island #China around 6 pm. Storm was decaying but violent. Eyewall was gusty, explosive, micobursty. Lots of damage to hotel & trees. pic.twitter.com/3YpzkQks0n
— Josh Morgerman (@iCyclone) September 24, 2025
Претходно, Рагаса пустошел и на Тајван и на Филипините. На Тајван, 17 луѓе загинале откако надојдено езеро ја потопило областа Хуалиен. Лизгање на земјиштето срушило мост, а улиците се претвориле во реки со мебел и возила.
На Филипините загинале најмалку 10 лица, од кои 7 рибари. Петмина сè уште се водат за исчезнати. Над 700.000 луѓе биле погодени, а 25.000 евакуирани во владини засолништа.