СУДЕЊЕТО НА ДЕЦЕНИЈАТА Џони Деп конечно откри што се случило со Амбер Херд: „Ако си будала како мене…“

Џони Деп даде изјава за неговата бурна врска со Амбер Херд и судењето кое со месеци ги полни насловните страници низ целиот свет.

Во интервју за „Сандеј тајмс“, холивудската легенда Џони Деп отворено зборуваше за причините зошто одлучил да ја изнесе својата страна од приказната.

– Видете, отиде предалеку. Знаев дека ќе морам делумно да се разголам. Сите велеа: „Ќе помине!“ Но, јас во тоа не можев да поверувам. Што точно треба да помине? Не, нема да помине – рекол Деп.

– Ако не се обидам да ја претставам вистината, ќе изгледа како навистина да сум ги извршил делата за кои ме обвинуваат. А моите деца ќе мора да живеат со тоа. Нивните деца. Децата што ги запознав во болниците. Затоа не се чувствував нервозно ноќта пред судењето во Вирџинија. Ако не мора да го учиш текстот напамет, ако ја кажуваш само вистината – фрли ја коцката – додал актерот.

Деп продолжил: „Знаев дека ништо од тоа нема да биде лесно, но ми беше сеедно. Ќе се борам до крај. А ако на крајот завршам така што ќе точам гориво? Во ред. Тоа веќе сум го работел – заклучил тој за судењето.

Актерот, исто така, се осврна и на својот со Амбер Херд: „Ако си будала како мене, понекогаш гледаш во нечии очи и гледаш малку тага, малку осаменост – и мислиш дека можеш да ѝ помогнеш на таа личност“, рекол тој.

„Но, ниедно добро дело не останува неказнето, бидејќи има луѓе кои, кога се обидуваш да ги сакаш и да им помогнеш, почнуваат да ти покажуваат каква всушност била таа непријатност, таа вознемиреност што си ја гледал во нивните очи. Потоа почнува да се покажува на други начини.“

Џони Деп и Амбер Херд се запознаа во 2009 година на снимањето на филмот „Дневникот на романскиот љубовник“, а нивната врска започна кон крајот на 2011 година или почетокот на 2012 година. Се свршија во јануари 2014 година и се венчаа во февруари 2015 година. Се разведоа во 2016 година, но вистинската драма започна дури тогаш.

Откако Херд напиша колумна за „Вашингтон пост“ во 2018 година во која се претстави како жртва на семејно насилство, Деп ја тужеше за клевета во 2019 година, иако не беше директно именуван во статијата. Тој тврдеше дека нејзините обвинувања се „категорично и докажано лажни“.

Потоа Херд возврати со контратужба од 100 милиони долари. Судењето се одржа во 2022 година и заврши со пресуда на порота во корист на Деп – доделувајќи му 10,35 милиони долари отштета, додека Херд доби 2 милиони долари за една од нејзините контратужби.