СУБВЕНЦИИ ЗА СЕКОЕ ДЕТЕ По 50 евра ќе добиваат учениците кои седат до отворен прозорец

Министерството за образование и наука, кое деновиве беше напаѓано поради ковид протоколите кои предвидуваат децата да ротираат до отворените прозорци, по сè изгледа најде соломонско решение со кое трајно се решава незадоволството кај родителите.

Имено, се работи за стипендии за деца со посилен имунитет, кои ќе можат да се пријават за клупа до прозор и да се жртвуваат за своите соодделенци, во замена за 50 евра неделно, што ќе ги обезбеди државата.