Стравична песочна бура во Анкара, повредени луѓе, уништени згради ВИДЕО
Најмалку шест лица биле повредени во Анкара, поради ретката песочна бура што ја зафатила турската престолнина во саботата. Бурата ги погодила двата округа Олатли и Хајман, по локално време. Невремето најпрво го погодило регионот Полатли, каде имало прекин на електричната енергија, а подоцна се проширило и во Анкара. Ветерот бил толку силен што уништил покриви на голем број згради.
Градоначалникот на Полатли, Мурсел Јилдискаја, рече дека за време на невремето избувнале и неколку пожари.
– Никогаш не сме доживеале вакво нешто – рече тој.
Гувернерот на Анкара, Васип Сахин изјавил дека првите извештаи покажуваат дека шест лица се полесно повредени откако ги погодиле предмети носени од ветерот.
Засега немаме извештаи за губење човечки животи или имот, кажал Сахин.
A huge sandstorm makes it way to Ankara. The 2020 apocalyptic days has now made its way to the Turkish capital! pic.twitter.com/8P7Os4mVia
— Louis Fishman لوي فيشمان לואי פישמן (@Istanbultelaviv) September 12, 2020