🎥 СТРАШЕН ПОЖАР ВО ТИРАНА, ЗА СРЕЌА БЕЗ ЖРТВИ На нога пожарникарите, полицијата и војската

Голем пожар избувнал на пазарот за употребувана облека во населбата 5 Маи во Тирана, јави доцна синоќа телевизијата Топ чанел.

Огнот брзо се прошири и доби застрашувачки размери. Поради присуството на големи количини лесно запалив материјал, пламените се шират со висок интензитет, а густ чад се издига над поширокиот дел од градот.

На терен се ангажирани сите расположливи противпожарни екипи од Тирана, а дополнително се повлечени и пожарникарски сили од Драч, кои биле пренасочени за интервенција на овој пожар. Ситуацијата се оценува како сериозна, поради што локалните служби побарале итна поддршка.

Во гасењето на огнот се вклучени и пожарникарски единици од Елбасан и Вора, а побарана е и интервенција од Армијата на Република Албанија. Воените сили обезбедуваат логистичка поддршка, механизација и дополнителни ресурси за справување со огнената стихија.

Според првичните информации од надлежните служби, засега нема податоци за повредени лица. Пожарот зафатил простор во кој функционираат повеќе мали трговски објекти и складишта, а материјалната штета се очекува да биде значителна.

Полицијата го обезбедила поширокиот периметар околу пазарот и го ограничила движењето на граѓаните, со цел да се овозможи непречена работа на спасувачките екипи. По целосното локализирање на пожарот, ќе биде отворена истрага за утврдување на причините за неговото избувнување.