СТО: Намален раст во трговијата со услуги заради коронавирусот
Показателот на трговијата со услуги е опаднат на 96,8 бодови од претходните 98,4 бодови, што беше забележен во септември минатата гдоина.
На почетокот на 2020 година дојде до намалување на растот на глобалната трговија со услуги бидејќи пандемијата од коронавирус влијаеше врз глобалната економија, особено врз авиосообраќајот и контејнерскиот превоз на товари, соопшти синоќа Светската трговска организација (СТО).
Показателот на трговијата со услуги е опаднат на 96,8 бодови од претходните 98,4 бодови, што беше забележен во септември минатата гдоина. Резултатите помали од 100 бода укажуваат на раст на трговијата под просечениот тренд.
Можеби ќе ве интересира
СТО напоменува дека новите бројки не го опфаќаат во целост економското влијание на новиот коронавирус, како и дека индексот во следните неколку месеци може дополнително да опадне.
Најголемиот пад е забележен во превозот на патници и во контејнерскиот превоз на товари, а послаби од просечните трендови се и секторите за финансиски и ИТ услуги. Во градежниот сектор движењата се горе-доле непроменети.
Растот на светската трговија со услуги континуирано опаѓаше во текот на цела 2019 година, од 4,7 отсто во првото тримесечие на 2,8 отсто во третото тримесечие, наведе СТО.