СТИВНА СТРАВОТ ОД ЗАТВОРАЊЕ НА ОРМУТСКИОТ ТЕСНЕЦ Цените на нафтата се вратија на ниво од пред конфликтот на Блискиот Исток

Цената на нафтата на светските берзи минатата недека се намалија за повеќе од 11%, бидејќи стивнаа стравувањата од прекин на снабдувањето со нафта од Блискиот Исток откако беше постигнат договор за примирје меѓу Израел и Иран.

Цената на барел на лондонската берза минатата недела потона за 12%, на 67,77 долари, додека на американскиот пазар, барелот падна за 11,3%, на 65,52 долари.

Цените на нафтата нагло паднаа на почетокот на минатата недела, кога беше постигнат договор меѓу Израел и Иран за прекин на огнот. Така, стивнаа стравувањата од прекин на испораките на нафта од Блискиот Исток и затворање на сообраќајот низ Ормутскиот теснец, низ кој дневно минуваат помеѓу 18 и 19 милиони барели сурова нафта и гориво за клиенти од целиот свет.

– Објавувањето на примирјето ја „избриша“ премијата за геополитички ризик од цените на нафтата – вели Оле Хвалбие од SEB.

Благодарение на тоа, цените на нафтата се спуштија на речиси исто ниво како и пред почетокот на израелско-иранската војна.