СРБИЈА ЈА КРЕНА РАМПАТА ЗА ИЗВОЗ НА МАСЛО ЗА ЈАДЕЊЕ Николовски ги проверил залихите, храна има доволно
Министерот за земјодлество вели се прават сите напори за обебзедање доволно суровини и производи стратешки за државата.
На вчерашната седница српската Влада донесе одлука за извоз на 2 милиона литри масло за јадење. Одлуката е објавена денеска. Со тоа влегуваме во имплементација на договореното – да се тргне „рампата“ за основните производи, пченицата и пченката, и да почне реализацијата на договорите, соопшти денеска министерот за земјоделство, шумарство и водостопанство Љупчо Николовски.
Како што рече Николовски, храна, брашно и зејтин има, нема потреба од паника и складирање резерви во домаќинствата.
-Процесот е почнат, околу 2 000 тони се веќе одобрени, продолжуваме со комуникацијата со Србија и регионот во рамки на „Отвроен Балкан“. Храна, брашно и масло има доволно, направен е увид во залихите. Граѓаните да не паничат, но и информациите да се пренусваат јасно, транспарентно и вистинито. Фактот што се набавуваат два или три пати повеќе зејтин, говори дека домаќинствата непотребно складираат – рече Ниоловски.
Се прават сите напори, нагласи министерот уште еднаш, за обебзедање доволно суровини и производи стратешки за државата.