СПЕЦИЈАЛИЗАНТИТЕ ЌЕ СЕ ВРАБОТАТ ПРВО ТАМУ КАДЕ ШТО НАЈМНОГУ ФАЛАТ Најголем дефицит на лекари има во внатрешноста

Најголем дефицит има во внатрешноста на државата и ќе им дадеме предност на тие места, значи тие коишто доаѓаат од градовите Куманово, Струмица, Тетово, Кичево. Потоа, ќе бидат специјализанти кои се при крај на специјализацијата. Значи, предност ќе имаат тие кои се во шеста, петта, четврта година. Исклучоци може да има, ако има некаде огромен дефицит во некој од градовите, меѓутоа предност генерално ќе имаат тие, одговори министерот за здравство, Арбен Таравари, на новинарско прашање, по посетата на Црвениот крст во Скопје.

183

Министерот за здравство Арбен Таравари денеска соопшти дека прв критериум за вработување на приватни специјализанти, е таму каде што има најголем дефицит.

– Најголем дефицит има во внатрешноста на државата и ќе им дадеме предност на тие места, значи тие коишто доаѓаат од градовите Куманово, Струмица, Тетово, Кичево. Потоа, ќе бидат специјализанти кои се при крај на специјализацијата. Значи, предност ќе имаат тие кои се во шеста, петта, четврта година. Исклучоци може да има, ако има некаде огромен дефицит во некој од градовите, меѓутоа предност генерално ќе имаат тие – одговори Таравари на новинарско прашање, по посетата на Црвениот крст во Скопје.






Друг критериум ќе биде и просечната оценка.

– Вкупно се 641 приватен специјализант. Мислам дека некои од овие специјализанти можеби и нема да имаат интерес, меѓутоа ние како држава ќе им дадеме понуда. Така што, мораме од октомври – ноември да ги ефектуираме, да отвориме конкурси и да ги вработиме. Оваа година 300 и уште 300 следната година. Доколку нема интерес оваа година, помалку има, тогаш ќе одиме на втора година, прва година и тие кои се на почеток на специјализација, после ќе ги третираме идната година другите преостанати од идниот број 300 – додаде министерот за здравство.

Прашан за тоа дека онколошки пациенти се незадоволни од ревидирање на Позитивната листа и бараат да бидат вклучени во следното ревидирање, тој рече дека за шест месеци би требало да има повторна ревизија.

– Секогаш треба да анализираме кои се можностите и што се потребите и според тоа да ја направиме што порационална Позитивната листа. Меѓу другото, тука министерот е само како член во Комисијата што е многу покомпетентна отколку што е министерот со тоа што се најголемите потреби во државата. Ние ќе се обидеме повторно да бидеме рационални и ефикасни во изборот на следните лекови и јас гарантирам дека за шест месеци ќе подготвиме нови лекови со што ќе биде надополнета актуелната Позитивна листа. Мислам дека е огромен чекор напред девет нови лекови, а во минатите 15 години само еден лек е ставен, така што ви гарантирам дека ќе има нови лекови, дека наскоро ќе седнеме со Комисијата и ќе видиме што се можностите и потребите – одговори Таравари.

Тој смета дека недостигот од радиолози и патолози е проблем што онколошки пациенти чекаат за резултати од патологија.

– Знаеме сите што е проблемот. Имаме недостиг на радиолози и патолози. Затоа и не ретко, меѓутоа и не многу често се случува да задоцнат резултатите. Сега Министерството за здравство подготвува план за специјализации и ќе дадеме огромна предност и огромен број за патолози, радиолози, анестезиолози – тоа што ни недостасува. Се обидуваме ова да го менаџираме максимално колку што можеме. Меѓутоа, повторно – некогаш се случува, не често, да задоцни некој резултат. Ако сите резултати се прочитани за пет до 10 дена и еден резултат ако задоцни два или три месеци, само за тој ќе кажеме, а не кажуваме дека 99 отсто од резултатите не доцнат повеќе од 10 дена – рече Таравари.

 

Поврзани содржини