Спасовски: Работниците да не потпишуваат откази, да се повикаат на законот кој ги штити

Премиерот Оливер Спасовски смета дека невработеноста во нашата земја не е драстично зголемена откако започна здравствената криза, бидејќи бројот на отпуштања на работници се на нормално ниво.

Тој апелираше работниците да не потпишуваат решенија за откази, бидејќи законот ги штити.

– Бројката на невработени не отскоскнува драстично, не е состојбата така како што некој сака да се прикаже. Сакам да упатам апел до работниците, да не потпишуваат спогодби за отпуштање од работа. Државата помага многу на работниците, прави се да ги задржат работните места, а мора и тие да помогнат, и да не потпишуваат спогодбени откази. Има закон кој ги штити, и има две опции кои може да бидат надвор од работните места – рече Спасовски.

Спасовски апелираше работодовачите, да бидат солидарни.

Тој потсети дека отпуштените работници за време на кризата во случај на невработеност според законот член 68 и врз основа на нивниот стаж ќе добијат финансиска помош и тоа ќе биде дел од мерките кои ќе се користат.

Тој рече дека во овој период се регистрирани и нови врабоувања  и враќања на работни места.

-Сите компании прават калкулации, затоа што некој сака да добие од оваа криза. А, треба да мислиме обратно, дека треба да изгуби од оваа криза. Дури и угостителите и туризам имаа можност да помогнат во еден сегмент, а во месеците во април и мај ќе може да ги користат поволностите – рече Спасовски.