Спасовски и министрите избрани за пратеници ќе ја земаат само платата за ангажман во Владата
Државната комисија за спречување на корупцијата и конфликтот на интереси забележа дека членови на Владата кои се избрани за пратеници ќа земат две плати.
Владата информира дека премиерот и министрите кои на последните избори беа избрани за пратеници, ја земат единствено и исклучиво платата за нивниот ангажман во Владата, до моментот на траење на нивниот ангажман во Влада, а не и од Собранието.
Можеби ќе ве интересира
Оваа информација дојде откако Државната комисија за спречување на корупцијата и конфликтот на интереси забележа дека членови на Владата кои се избрани за пратеници ќа земат две плати.
„Владата како и досега, останува на силната поддршка за транспарентно и отчетно работење на сите институции во борбата против корупцијата и спречувањето конфликт на интереси, и ќе ја афирмира секоја дебата во таа насока базирана на факти и аргументи“, соопшти владината прес-служба.