СООБРАЌАЈКА ГО БЛОКИРАШЕ ПАТОТ ДЕЛЧЕВО-БЕРОВО Повредени се три лица
Сообраќајот на регионалниот пат Делчево - Пехчево - Берово е пренасочен преку стариот пат Тработивиште - Делчево, информира СВР Штип.
Поради сообраќајна несреќа во атарот на село Стамер, сообраќајот на регионалниот пат Делчево – Пехчево – Берово е пренасочен преку стариот пат Тработивиште – Делчево, информираа од кол центарот на СВР Штип.
Можеби ќе ве интересира
Според информациите на Итната медицинска помош која интервенирала на терен во несреќата учествувале две возила, при што три лица се повредени.
– Кај повредените се дијагностицирани повреда на појасна кичма со колкови, повреда на глава со повредна рана и повреда на вратна кичма со повреда на глава. Дел од повредените со возило на брза помош се префрлени во најблиските клинички центри – информираа од Итната медицинска помош во Делчево.