Со возило излетал од патот, а потоа повикал итна помош
СВР Велес е на увид на местото на настанот.
Сообраќајна несреќа се случи пртпладнево на патот пред селото Дреново во која е повреден 27-годишниот М.Б од село Јаболчиште.
Како што информираат за МИА од СВР Велес, повредениот со своето возило излетал од патот и се превртел на кровот, потоа излегол од возилото и самиот повикал Итна помош од Велес. Во меѓувреме од местото на сообраќајката го зеле неовите родители и на патот Дреново – Лисиче се сретнале со итната помош која му укажала прва помош.
– Надворешно немаше поголеми повреди, а се жалеше на болки во градите, најверојатно поради нагмечувања од воланот – информира Васе Панова од Службата за итна помош при Здравствен дом Велес.
Можеби ќе ве интересира
Со возило на Итната помош повредениот е пренесен во велешката Општа болница, каде што ќе биде снимен на рентген за да се утврдат повредите.
СВР Велес е на увид на местото на настанот.