СО ВЕЛОСИПЕД ПАДНАЛА ВО ШАХТА Скопјанка заврши на Ургентно со тешки повреди
44-годишна жена од Скопје се здобила со тешки повреди откако паднала со велосипед во одводна шахта на улицата „Жан Жорес“, соопшти СВР Скопје.
44-годишната С.С. од Скопје се здобила со тешки телесни повреди откако паднала со велосипед во одводна шахта на улицата Жан Жорес.
Можеби ќе ве интересира
Инцидентот се случил на 06.06.2026 година околу 21:00 часот, кога жената управувала велосипед и, според пријавеното, завршила во шахта на коловозот. По падот, таа била повредена и подоцна пренесена во Ургентниот центар при комплексот клиники „Мајка Тереза“ во Скопје, каде што на 07.06.2026 во 16:40 часот е пријавено дека е примена со тешки телесни повреди.
Повредите се констатирани од лекарски тим, а на местото на настанот увид извршила екипа на СВР Скопје, која работи на целосно расчистување на случајот.