СО ПРИГОЖИН ЗАГИНА И НЕОНАЦИСТОТ И ИДЕЕН ТАТКО НА „ВАГНЕР“? Уткин веројатно не беше Русин по националност!

Нео-нацист кој бил фасциниран со Третиот Рајх, кукастиот крст, нацистичкиот орел и громот на СС бил во авионот кој летал кон Москва и загинал заедно со водачот на „Вагнер“, Евгениј Пригожин, се шпекулира во медиумите. Истражувачката страница Белингкет уште во 2020 година напиша дека Дмитриј Уткин е коосновач на групата чиј назив е името на омилениот композитор на Хитлер – Рихард Вагнер, пренесува Гардијан.

Дали Уткин е иницијаторот на групата „Вагнер“ и нејзиното име? Извештајот на американскиот Центар за стратешки и меѓународни студии вели дека тоа не може да се потврди или „само бил параван за некој друг“. Се вели дека тој бил користен како пригодна мамка за да се прикрие неговото државно потекло. Со други зборови, тој веројатно не бил Русин.

Роден во 1970 година, Уткин беше поранешен офицер во руската воена разузнавачка служба ГРУ и служеше во двете војни во Чеченија, како и во Сирија. Тој исто така беше меѓу членовите на Вагнер кои учествуваа во руските операции во источна Украина од 2014 година и добија награди од Кремљ за неговата служба.

Во раните 2000-ти, тој служеше 10 години како командант на Втората бригада на Спецнац ГРУ на границата со Естонија, пред да се повлече од војската. Сепак, според неговата поранешна сопруга, нему му недостасувал животот на бојното поле.

Ретко виден во јавноста, тој последен пат беше виден во видеото објавено од Пригожин во јули, во кое шефот на Вагнер им се обраќа на борците во Белорусија, каде што беа испратени по прекинатиот бунт еден месец претходно.

Во видеото, Пригожин претставува човек за кој вели дека е Уткин и тоа е првпат снимен како командант кој зборува со своите војници.

– Ова не е крај, ова е само почеток на најголемата работа во светот, која ќе продолжи многу наскоро – вели Уткин во видеото.

– И добредојдовте во пеколот – додава тој, со последните зборови изговорени на англиски.

Извештаите од руските социјални медиуми поврзани со Вагнер сугерираат дека во летот можеби биле и други членови на раководството на Вагнер.

Според руска Фонтанка, весник од Санкт Петербург кој опширно ги покривал операциите на Пригожин, другите патници во авионот биле снимател, логистички менаџер на Вагнер и личното обезбедување на Пригожин.

Тие се именувани како Сергеј Пропустин, Евгениј Макаријан, Александар Тотмин, Валери Чекалов и Николај Матусеев. Чекалов минатиот месец беше санкциониран од САД.

Кристина Распопова, 39-годишна стјуардеса, беше единствената жена која загина откако приватниот авион „Embraer Legacy“ се урна во близина на селото Куженкино во Тверската област, Русија. За починатата стјуардеса не се знае многу, освен дека таа била сестра на Евгени Распопов, обвинител во регионот Чељабинск.

 

39-year-old air stewardess Kristina Raspopova was the only woman to be killed on Prigozhin’s plane.

She was the sister of Yevgeny Raspopov, a Deputy Prosecutor in the Chelyabinsk Region. pic.twitter.com/3UorEKos3k

— Visegrád 24 (@visegrad24) August 23, 2023