🎥 СО ХЕЛИКОПТЕР СПАСЕНО ДЕТЕ, ИЗГУБЕН КОНТАКТ СО ЗАРОБЕН ВО ВОЗИЛО Драматични спасувачки акции по поплавите во Босна
Патните комуникации се прекинати, животите на граѓаните се загрозени, има жртви и исчезнати. До некои места е тешко да се стигне, вели Мајда Ковач, портпарол на Федералната управа за цивилна заштита.
Поплавите и свлечиштата им предизвикаа сериозни проблеми и штети на жителите на општините Јабланица, Коњиќ, Кисељак, Фојница и Крешево во Босна и Херцеговина. Засега нема официјална потврда за бројот на загинатите, медиумите објавија дека во општина Јабланица загинале пет лица. Не е познат ниту вкупниот број на исчезнати и повредени.
Мајда Ковач, портпарол на Федералната управа за цивилна заштита вели дека ситуацијата е многу сериозна.
– Патните комуникации се прекинати, животите на граѓаните се загрозени, има жртви и исчезнати. До некои места е тешко да се стигне – рече таа.
Врнежите од дожд кои во изминатите 24 часа ги зафатија општините Јабланица, Коњиќ, Кисељак, Фојница и Крешево предизвикаа големи поплави. Гражаните цела ноќ кон службите упатувале повици за загрозени животи, за навлегување на вода во приземните простории и за прекини на патната и телефонската комуникација.
– Сојузната управа за цивилна заштита веднаш реагираше и организираше интервенции во соработка со Министерството за одбрана, Министерството за безбедност, кантоналните управи и други надлежни институции – вели Ковач.
Патните комуникации до Јабланица се целосно прекинати.
На подрачјето на Фојница водата поплавила неколку локалитети, а голем број жители мораа да бидат евакуирани. Ковач истакна дека 17 лица се евакуирани од Заводот за ментална нега и се преместени на првиот кат од зградата. Ситуацијата дополнително се искомплицирала откако едно лице било заробено во возило на патот, а контактот со него бил изгубен.
– Пожарникарите, комуналните служби и сите единици за цивилна заштита кои работат на спасување луѓе и санирање на штетите се на терен. Најмногу бараме тешки машини поради одроните и поплавите. Потребна е дополнителна помош за медицинска евакуација, за што е испратено барање до Министерството за одбрана – рече Ковач.
Состојбата во овие општини континуирано се следи, а мобилизирани се сите надлежни институции за да се пружи помош на ранливото население и да се обезбедат потребните ресурси за санирање на последиците од поплавите.
Од вооружените сили на Босна и Херцеговина потврдеија дека испраќаат хеликоптери за помош при поплавите во Јабланица.
Министерот за одбрана на БиХ Зукан Хелез рече дека досега интервенирал хеликоптерот на ЕУФОР и спасил дете од урната куќа.